Թուրք-ադրբեջանական համատեղ զորավարժությունները վախեցնում են թշնամիներին. Թուրքիայի ազգային պաշտպանության նախարար
Թուրքիա
«Հարավային Կովկասի տարածաշրջանը զգայուն շրջան է ապրել: Մենք ուշադիր հետեւում ենք գործընթացներին»:
Այս մասին հայտարարել է Թուրքիայի ազգային պաշտպանության նախարար Հուլուսի Աքարը «ԹուրԱզ Շահինի -2021» մարտավարական-թռիչքային համատեղ վարժանքների ժամանակ ունեցած ելույթում, փոխանցում է ԱՊԱ-ն:
Նա նշել է, թե իբր Թուրքիան «հարգում է իր բոլոր հարևանների տարածքային ամբողջականությունն ու ինքնիշխանությունը»:
«Որևէ մեկի տարածքը որևէ կերպ բռնակցելու մեր մտադրությունը երբեք չի կարող քննարկման առարկա դառնալ: Բայց, մյուս կողմից, մենք ոչ մի կերպ թույլ չենք տա ոտնահարել մեր կամ մեր ընկերների և եղբայրների իրավունքները ցամաքում, ծովում և օդում»,- ասել է նա:
Թուրք նախարարի խոսքով՝ Թուրքիայի և Ադրբեջանի համատեղ զորավարժությունները վախեցնում են թշնամիներին, ոգեշնչում ընկերներին և եղբայրներին:
«Մենք Ադրբեջանի դեմ սպառնալիքները դիտարկում ենք որպես սպառնալիք մեր հասցեին», - ասել է Հ.Աքարը:
Հիշեցնենք, որ Ադրբեջանի նախագահ Իլհամ Ալիևը բազմիցս իր հարցազրույցներում տարածքային պահանջները է ներկայացրել Հայաստանին` մասնավորապես` Սյունիքը, Սևանը և Երևանն անվանելով «պատմական ադրբեջանական հողեր»:
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
