Քվե՝ բյուջեի հաշվին. Մելիքսեթ Պողոսյանի նախընտրական «բարեգործությունը»

Սյունիքի մարզպետ Մելիքսեթ Պողոսյանի սեպտեմբերի 14-ի որոշմամբ 2 միլիոն դրամից ավել գումար է տրվել օգնության համար մարզպետարան դիմած 50 քաղաքացու։

Ստորագրած որոշումից տեղեկանում ենք, որ 2 միլիոն  70 հազար դրամը բաժանցվել է 50 քաղաքացու միջև՝ տարբեր չափի գումար է ստացվել, եւ դա միայն սեպտեմբեր ամսին դիմած քաղաքացիներին է վերաբերում: Քաղաքացիներին հատկացվել են համապատասխանաբար` 100 հազար, 50 հազար, 40 հազար, 30 և 20 հազարական դրամներ։

Այս ամենը, իհարկե, ողջունելի է, սակայն, տպավորություն է, որ Սյունիքի մարզպետ Մելիքսեթ Պողոսյանը մարզի սոցիալական խնդիրներ ունեցող քաղաքացիներին հիշում է միայն ընտրություններից ընտրություն, երբ ՔՊ-ին այդքան անհրաժեշտ է վերոնշյալ քաղաքացիներին քվեն: Մնացած դեպքերում այդ քաղաքացիները և նրանց սոցիալական խնդիրները մարզպետի կողմից անտեսված են: Իսկ ընտրություններին ընդառաջ նման օգնությունը դիտարկվում է իբրև լեգալ ընտրակաշառք;

Ինչո՞վ են նոր մարզպետները, պաշտոնյաները տարբերվում այսպես կոչված` նախկիններից: Օրինակ,  2017 թվականին ՀՀԿ-ական Լեռնիկ Ալեքսանյանը չէր հերքում, որ գյուղերում ընտրություններից առաջ ալյուր ու բրինձ բաժանում են՝ պնդելով, որ դա ընտրակաշառք չէ, այլ բարեգործություն է: Նիկոլ Փաշինյանի ընտանիքին պատկանող լրատվամիջոցը 2013 թվականին գրում էր, որ ՀՀԿ-ն իր թեկնածուի համար գումար է բաժանում քաղաքացիներին: Մասնավորապես, տարածվեց մի փաստաթուղթ, որտեղ երեւում է, որ Արարատի քաղաքապետի ժամանակավոր պաշտոնակատար Խաչիկ Մնացականյանը որոշում է ստորագրել տարբեր քաղաքացիների օգնության անվան տակ 15-40 հազար դրամ բաժանելու մասին: 

Ինչպես տեսնում ենք՝ հների բարքերը ժառանգել են նաև Նոր Հայաստանի թավշյա պաշտոնյաները...

Այս թեմայով Ինձ չեն հրավիրել Մայր Տաճարի վերաօծմանը. Արմավիրի մարզպետ (տեսանյութ) Կալավանի հրաշքը․ երբեմնի անկուսակցական, այսօր արդեն՝ ՔՊ-ական Սյունիքի մարզպետ Ռոբերտ Ղուկասյանի ձեռքբերումները Շիրակի մարզի ներուժն ու ներդրումային գրավչությունը ճիշտ ներկայացնելու խնդիր ունենք․ մարզպետ Ադրբեջանը Գեղարքունիքում օկուպացրած տարածքներ ունի, որից պիտի դուրս գա․ Գեղարքունիքի մարզպետ Չկա մարզում այնպիսի ոլորտ, որին ԶՊՄԿ-ն աջակից չէ, որի համար շնորհակալ եմ․ Սյունիքի մարզպետ