«Օդում պատերազմի հոտ կա»․ Իրանի ԶՈՒ֊ն զորքեր է կուտակում Ադրբեջանի հետ սահմանին
ԻրանԻրանը ռազմական ուժեր է կուտակում Ադրբեջանի հետ սահմանին։ Այն նաև զորավարժություններ է անցկացնում Լեռնային Ղարաբաղի հետ սահմանային գոտում՝ օգտագործելով անօդաչու թռչող սարքեր: Շշուկներ են պտտվում, որ օդում պատերազմի հոտ կա, գրում է Discover24-ը:
Հաղորդվում է, որ ռազմական տեխնիկայի երկար շարասյուն է նկատվել այն ճանապարհին, որը տանում է դեպի Ասլան Դուզ բնակավայր, որը գտնվում է հենց Ադրբեջանի հետ սահմանին: Դիտորդները նույնը ֆիքսել են Արաքս գետի երկայնքով՝ մայրուղու վրա: Թեհրանը տեղակայում է ինչպես հրետանային, այնպես էլ հրթիռային կայաններ:
ՍԱՐԱԼԱ դիվիզիայի ծանր տեխնիկան և զենքը միանգամից մի քանի ուղղություններից շարժվում են Լեռնային Ղարաբաղի հետ սահման: Բացի այդ՝ անօդաչու թռչող սարքերից բացի՝ Իրանը զորավարժությունների ժամանակ օգտագործում է մարտական ուղղաթիռներ: Փորձագետները մտավախություն ունեն, որ նույնիսկ ամենափոքր սադրանքը կարող է հրահրել զինված հակամարտություն նույնիսկ սովորական վարժանքների դեպքում: