COVID-19-ի պատճառով՝ կյանքի տևողության կտրուկ անկում է գրանցվել

Օքսֆորդի համալսարանի գիտնականների ուսումնասիրության համաձայն, որը հրապարակվել է International Journal of Epidemiology-ում, COVID-19 համաճարակը հանգեցրել է Երկրորդ համաշխարհային պատերազմից ի վեր կյանքի տևողության ամենամեծ անկմանը:

Հետազոտությունն անցկացվել է 29 երկրներում, այդ թվում՝ Եվրոպայի մեծ մասում, ԱՄՆ-ում և Չիլիում:

Ըստ գիտնականների՝ կորոնավիրուսը հանգեցրել է կյանքի տևողության կտրուկ կրճատման՝ հիմնականում ավելի մեծ տարիքային խմբերում մահացության պատճառով:

«2020 թվականի զոհերի թվերի այդպիսի մասշտաբներ չեն դիտվել Արևմտյան Եվրոպայի շատ երկրներում (Իսպանիա, Մեծ Բրիտանիա, Իտալիա, Բելգիա, Ֆրանսիա, Նիդեռլանդներ, Շվեդիա, Շվեյցարիա և Պորտուգալիա) Երկրորդ համաշխարհային պատերազմից ի վեր», - նշում են հետազոտության հեղինակները:

Ըստ գիտնականների՝ ԱՄՆ -ում տղամարդկանց շրջանում կյանքի տևողությունը նվազել է 2,2 տարով, Լիտվայում՝ 1,7-ով: