ԱՄՆ-ում երբևէ ծնված ամենափոքր նորածինները

Մեդլին Մանին եւ Ռումաիսա Ռահմանը սահմանել են աշխարհի ռեկորդ իրենց նվազագույն չափսերի շնորհիվ' յուրաքանչյուրը կշռելով ավելի քիչ, քան գազավորված ջրի տարրան:

Սակայն տարիներ անց, Չիկագոյի այդ երկու բնակիչները ապրում և բարգավաճում են` զերծ այն ուշադրությունից և խառնաշփոթից, որի կենտրոնում հայտնվել էին, երբ դարձան Միացյալ Նահանգներում երբևէ ծնված ամենափոքր նորածինները:

Նոր աշխատությունը, որ երկուշաբթի օրը կհրապարակվի "Pediatrics" ամսագրում, կպատմի նրանց զարգացման և ներկա կյանքի մասին, թե ինչպես են նրանք ինքնուրույն քայլում և դպրոց հաճախում:
«Այս աղջիկները ներկայացնում են Միացյալ Նահանգներում երբևէ տեղի ունեցած երկու ամենաանհավանական դեպքերը»,- ասել է բժիշկ-պրոֆեսոր Ջոնաթան Մուռասկասը, ով Լոյոլա համալսարանի բժշկական կենտրոնում բուժել է երկու մանուկներին և հետագայում կապ պահպանել նրանց ծնողների հետ:
Աշխատությունում նշվում է աղջիկների հետագա առաջնթացի վերջին փոփոխությունները: Մուռասկասը այլ պրոֆեսորների հետ միասին փորձում է հետևել վաղաժամկետ և կշռով պակաս երեխաների կյանքին (1 ֆունտ 5 ունցիայից պակաս):
7-ամյա Ռումաիսան տարրական դպրոցի ուսանողուհի է հյուսիսարևմտյան արվարձաններից մեկում: Նա իր նորմալ կշռին է եկել 12 ամսեկանում, իսկ առաջին բառերը արտասանել է 22 ամսեկան հասակում:
Մանին այժմ 22 տարեկան է, հաճախում է Ավգուստանաի ավագ քոլեջ, որտեղ ուսումնասիրում է հոգեբանություն: Աշակերտուհին ամառն անցկացրել է Եթովպիայում, որպես կամավոր: Նա նաև հաճախել է Հոֆմանի Քոնանթ միջնակարգ դպրոց:
Երկուսն էլ կարճահասակ են: Ըստ զեկույցի' Մանին 4 ոտնաչափ, 7 դյույմ է և կշռում է ավելի պակաս, քան 70 ֆունտ, իսկ Ռումաիսան 3 ոտնաչափ, 3 դյույմ է և կշռում է 40 ֆունտից պակաս:
Երկեուսն էլ ենթարկվել են լազերային վիրահատության` ուղղելու տեսողական խնդիրները, որ տարածված է գրեթե բոլոր վաղածին երեխաների մոտ:
«Այսօր երկուսն էլ ծաղկում են ապրում», - ասել է Մուռասկասը:
Աղջիկները և նրանց ընտանիքի անդամները հրաժարվել են մեկնաբանություն տալ այս պատմությանը:
Մուռասկասը և նրա համահեղինակները իրենց աշխատության մեջ պնդում են, որ հղիության ժամանակահատվածը ավելի մեծ դեր է խաղացել երեխաների կենսունակության համար, քան նրանց կշիռը:
Մանը ծնվել է 26 շաբաթական հասակում և կշռել 9.9 ունցիա, իսկ Ռումաիսան' 25 շաբաթական հասակում` կշռելով 1 ֆունտ, 5 ունցիա: