Սահակաշվիլին կարող էր Վրաստան մուտք գործել Թուրքիայի տարածքով․ փորձագետ

Վրաստանի նախկին նախագահ Միխեյիլ Սահակաշվիլին կարող էր երկիր մուտք գործել Թուրքիայի տարածքով:

Միխեյիլ Սաակաշվիլին ձերբակալվել է Թբիլիսիի հանրակացարանային թաղամասերից մեկում` ուրբաթ երեկոյան: Նա անօրինական կերպով հատել էր սահմանը և Վրաստան էր ժամանել Ուկրաինայից շաբաթ օրը կայանալիք ՏԻՄ ընտրություններին ընդառաջ: Վրաստանի նախկին նախագահը մեղադրվում է մի շարք քրեական գործերում, երկուսում արդեն դատապարտվել է հեռակա կարգով, մնացած գործերը գտնվում են դատական ​​վարույթում:

«Դուք կարող եք Վրաստան հասնել երեք եղանակով՝ օդային, ծովային և ցամաքային: Եթե հաշվի առնենք այն փաստը, որ Սահակաշվիլին անօրինական կերպով հատել է սահմանը, ենթադրում եմ, որ նա կարող էր երկիր մտնել Թուրքիայի տարածքով», - ասել է փորձագետ Ալադաշվիլին:
Նրա խոսքով՝ Սահակաշվիլին Ուկրաինայից մեկնել է Թուրքիա, իսկ այնտեղից ցամաքային սահմանով շարժվել դեպի Վրաստան: Ինչպես նշել է Ալադաշվիլին, վրաց-թուրքական ցամաքային սահմանի անօրինական հատման արդյունքում՝ մարդիկ մեկ անգամ չէ, որ բերման են ենթարկվել, և դա վկայում է այն մասին, որ սահմանը լիովին չի վերահսկվում: Ըստ նրա, նախկին նախագահը, ամենայն հավանականությամբ, տեղյակ էր այդ մասին:

Ինչ վերաբերում է Սահակաշվիլիին Հայաստանի կամ Ադրբեջանի տարածքով Վրաստան տեղափոխելուն, փորձագետը կարծում է, որ դա քիչ հավանական է, քանի որ այս երկրներում բնակչության կեսից ավելին ճանաչում է Վրաստանի երրորդ նախագահին, և դա կարող էր մեծացնել նրա համար ռիսկերը: «Չնայած դրանք բոլորը ենթադրություններ են, և ես հույս ունեմ, որ ժամանակի ընթացքում ամեն ինչ հայտնի կդառնա», - եզրափակել է Ալադաշվիլին: