Sharp-ը աշխատանքից կհեռացնի 11.000 մարդու

Ճապոնական Sharp ընկերությունը մտադիր է աշխատանքից հեռացնել իր աշխատակիցների 19%-ին՝ շուրջ 10966 մարդու, ոչ միայն երկրի ներսում, այլև արտասահմանում. հայտնում է MarketWatch-ը՝ հղում անելով Kyodo News-ին։

Բացի այդ`ծրագրվում է միաձուլել չորս ընկերություն, որոնք Ճապոնիայում զբաղվում են առևտրով։ Ընդհանուր առմամբ, նախագծվում է վաճառել 213 մլրդ իենի բաժնետոմս։ Կփակվեն հեռուստացույցներ արտադրող գործարաններ Մեքսիկայում, Չինաստանում, Մալայզիայում։

Հիշեցնենք, որ օգոստոսի սկզբին Sharp-ը հայտնել էր աշխատակիցներին զանգվածային ձևով հեռացնելու իր մտադրության մասին։ Մոտակա ութ ամիսներին ընկերությունը ծրագրում է տնտեսման ծրագրի շրջանակներում կրճատել մոտ 5000 աշխատատեղ։ 72 տարվա ընթացքում ընկերությունն առաջին անգամ է նման քայլերի դիմում։