Թուրքիայում իշխող կոալիցիայի ուժերի վարկանիշը շարունակում է անկում ապրել

Թուրքիայում գործող  «Սոցիալական-քաղաքական հետազոտությունների կենտրոն»-ի կողմից սեպտեմբերին իրականացված սոցհարցումների արդյունքների համաձայն՝ Թուրքիայում իշխող կոալիցիայում ընդգրկված ուժերի՝ «Արդարություն և զարգացում»   և «Ազգայնական շարժում»  կուսակցությունների վարկանիշը շարունակում է անկում ապրել, հաղորդում է «Արմենպրես»-ը:

Սոցհարցման համաձայն՝ «Արդարություն և զարգացում» կուսակցության օգտին պատրաստ է քվեարկել հարցվածների միայն 32.3 տոկոսը, «Ազգայնական շարժում» կուսակցության օգտին՝ 7,8 տոկոսը (բավարար չէ անցողիկ շեմը հաղթահարելու համար):

Թուրքիայի խորհրդարանում ներկայացված ընդդիմադիր ուժերից «Ժողովրդահանրապետական» կուսակցությանը պատրաստ է ձայն տալ հարցվածների  30,9%-ը, «Լավ»  կուսակցության օգտին՝  12,1 տոկոսը, իսկ «Ժողովուրդների դեմոկրատական կուսակցության» օգտին՝ 11,3 տոկոսը: