«Չորրորդ ինքնիշխանություն». Մանվել Բադեյանը պրոբլեմներ կունենա
Հայկական Մամուլ
Թերթի հաղորդմամբ՝ «Հանրապետական պատգամավոր Մանվել Բադեյանը խոստովանել է, որ խորհրդարանական ընտրությունների ժամանակ իրեն 5 հազար դրամ ընտրակաշառք են առաջարկել, ինքն էլ վերցրել է, բայց քվեարկել է ուրիշի օգտին:
«ՉԻ»- Պատգամավորի այս խոստովանությունից հետո իշխանությունները նրա նկատմամբ հաստատ ավելի ուշադիր կլինեն եւ առանձնապես չեն վստահի նրան, որովհետեւ մարդը բաց տեքստով ասում է, որ քվեախցիկում մենակ մնալով՝ իշխանությունների օգտին չի քվեարկել: Իսկ թե ինչու ենք համոզված, որ ընտրակաշառք բաժանողը հաստատ իշխանական թեկնածուի (կամ կուսակցության) կողմնակիցն է եղել՝ հասկանալի է: Որպես կանոն, ընտրակաշառք բաժանում են հենց իշխանական ուժերը (թող փորձի ընդդիմությունը կաշառք բաժանել՝ իսկույն թեւերը կոլորեն, տեսախցիկների առջեւ շոու կսարքեն, քրեական գործ կհարուցեն եւ այլն): Կա եւս մի անուղղակի ապացույց, որ ընտրակաշառք բաժանողն իշխանական թեւից է եղել. համաձայնվեք՝ միայն հիմարը 5 հազար դրամ կառաջարկեր հայտնի գործարարին եւ պատգամավորին:
Մի խոսքով, Մանվել Բադեյանն այս հայտարարությունից հետո պրոբլեմներ է ունենալու: Նա փաստորեն խարխլում է Սերժ Սարգսյանի իշխանության հիմքերը՝ հրապարակավ կոչ անելով ընտրակաշառք չվերցնել: Նման բաները չեն ներվում:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
