Այսօր Գուրգեն Մարգարյանի ծննդյան օրն է

Այսօր հայ սպա Գուրգեն Մարգարյանը կդառնար 34 տարեկան։

Գուրգեն Մարգարյանը ծնվել է  1978թ. սեպտեմբերի 26-ին Երևանում: Հայաստանի պետական ճարտարագիտական համալսարանում բակալավրի աստիճան ստանալուց հետո զորակոչվել է Հայաստանի Հանրապետության Զինված ուժեր։

Զինվորական ծառայությունն ավարտելուց հետո մնացել է զինված ուժերում և դարձել Հայաստանի Հանրապետության Պաշտպանության նախարարության սպա։

2004 թվականի փետրվար ամսին Գուրգեն Մարգարյանը Բուդապեշտում էր գտնվում՝ ՆԱՏՕ-ի «գործընկերություն հանուն խաղաղության» ուսումնական ծրագրի շրջանակներում։ Փետրվարի վաղ առավոտյան ադրբեջանցի սպա Ռամիլ Սաֆարովը քնած ժամանակ կացնահարել է Մարգարյանին՝ հասցնելով դեմքին 16 կացնի հարված։

Թաղված է Եռաբլուր զինվորական պանթեոնում։

Հիշեցնենք, որ Սաֆարովը Հունգարիայի դատարանի կողմից դատապարտվել էր ցմահ ազատազրկման և  պատիժը կրում էր հունգարական բանտերից մեկում։ Վերջերս Ադրբեջանի նախագահ Իլհամ Ալիևը հրամանագիր է ստորագրել, որով արդարացրել է 2004թ. Բուդապեշտում հայ սպա Գուրգեն Մարգարյանին կացնահարելով սպանած ադրբեջանցի սպա Ռամիլ Սաֆարովին։