Դամասկոսի կենտրոնում շարունակվում են բախումները կառավարական ուժերի և գրոհայինների միջև

Զինված բախումները սիրիական անվտանգության ուժերի և Սիրիայի ազատ բանակի գրոհայինների միջև շարունակվում են Դամասկոսի կենտրոնում տեղակայված սիրիական բանակի գլխավոր շտաբի մոտակայքում. հայտնում է «Ալ Մայադին» հեռուստաընկերությունը:

Օմմայան հրապարակի շրջանում, որտեղ տեղակայված է գլխավոր շտաբը, տեղի ունեցած կրակահերթը երկու ժամ է, ինչ շարունակվում է: Սիրիայի անվտանգության ուժերը հետապնդում են զինված ահաբեկչական խմբավորումներին. հայտնում է հեռուստաընկերությունը:

Իրանական «Ալ Ալյամ» հեռուստաընկերությունը տեղեկացնում է, որ ԱՄՆ-ի գրոհայինները փորձել են ներխուժել Սիրիայի պետական հեռուստառադիոկայանի շենք, որը նույնպես գտնվում է Օմմայան հրապարակում:

Դամասկոսի կենտրոնում զինված բախումները վերսկսեցին այսօր առավոտյան Գլխավոր շտաբի մոտ տեղի ունեցած երկու հզոր պայթյուններից հետո: Դրանց հետևանքները դեռևս պարզ չեն, սակայն «Ալ Մայադին» հեռուստաընկերությունը հաղորդում է, որ դատելով պայթյունի աղմուկից՝ չեն բացառվում ավերածություններն ու զոհերը:

Քաղաքի այդ շրջանը շարունակում է շրջապատված մնալ անվտանգության ուժերով: