Պուտինը Ռուսաստանի քաղաքացիություն է շնորհել դերասանուհի Նատալյա Օրեյրոյին
Գիտություն և Մշակույթ
ՌԴ նախագահ Վլադիմիր Պուտինը Ռուսաստանի քաղաքացիություն է շնորհել երգչուհի և դերասանուհի Նատալյա Օրեյրոյին և նրա որդուն։ Պետության ղեկավարի հրամանագիրը հրապարակվել է պաշտոնական իրավական ակտերի պորտալում։
«Տալ Ռուսաստանի քաղաքացիություն հետևյալ անձանց՝ Օրեյրո Իգլեսիաս Նատալյա Մարիսա, ծնված 1977 թվականի մայիսի 19-ին Ուրուգվայում, որդու՝ Մոլիո ՕրեյրոՄերլին Ատաուալպայի հետ, ծնված 2012 թվականի հունվարի 26-ին Արգենտինայում», ասվում է փաստաթղթում։
Օրեյրոն հայտնի է դարձել «Վայրի հրեշտակ» սերիալում աղախնի դերով։ Բացի այդ, նա հայտնի է «Հարուստներն ու հայտնիները», «Կլեոպատրա», «Դու իմ կյանքն ես» և շատ այլ ֆիլմերով:
Օրեյրոն նաև սիրված երգչուհի է։ Նա թողարկել է երեք ալբոմ, նույնքան օրիգինալ սաունդթրեք և մեկ տասնյակից ավելի սինգլներ։
Արտիստը բազմիցս հյուրախաղերով եղել է Ռուսաստանում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
