Աշխարհի ամենահուսալի բանկերը՝ ըստ Global Finance-ի

Բանկային համակարգի ներկա անորոշ պայմաններում միշտ էլ հարց է ծագում՝ ու՞մ կարելի է վստահել մեր ֆինանսական միջոցները, իսկ ում՝ ոչ:

Եվրոպական ընկերությունների հաշիվներից գումարների արտահոսքի դինամիկան ցույց է տալիս, թե ինչ վերաբերմունք է բնակչությունը ցուցաբերում բանկերի նկատմամբ: Իրենց գումարները կորցնելու վախով պայմանավորված՝ մարդիկ բանկերից դուրս են բերում իրենց՝ տարիներով խնայած գումարները, նույնիսկ չմտածելով՝ հուսալի՞ են, թե՞ ոչ: Global Finance պարբերականը վերլուծության է ենթարկել 500 բանկային սեկտոր ամբողջ աշխարհում՝ հաշվի առնելով Moody’s, Standard & Poor’s և Fitch վարկանշային գործակալությունների տվյալները, ակտիվների ընդհանուր քանակը և այլ ցուցանիշներ: Տվյալ վերլուծությունով հայտնի պարբերականը նպատակ ուներ պարզելու՝ որ ֆինանսական կառույցին կարելի է վստահել, իսկ որին՝ ոչ:

Ստորև ներկայացնում ենք աշխարհի ամենահուսալի բանկերի թոփ 19-ը.

1. Shizuoka Bank (Ճապոնիա)

Արդեն երեք տարի է ճապոնական Shizuoka Bank-ը համարվում է արևմուտքի երկրների բանկային համակարգում ամենահուսալի բանկը: Նախորդ տարվա արդյունքներով՝ Shizuoka-ի մաքուր շահույթը կազմել է $473 մլն, իսկ հասույթը՝ $2.6 մլրդ: Ճապոնական բանկի ակտիվները նախորդ տարվա արդյունքներով կազմել են $123 մլրդ: Կազմակերպությունը գրասենյակներ ունի ԱՄՆ-ում (Նյու Յորք, Լոս-Անջելես), Եվրոպայում (Բրյուսել), Հոնգկոնգում, Շանհայում և Սինգապուրում: Բանկի կապիտալի համարժեքության գործակիցը 15.9% է:

2. Bank of Taiwan (Թայվան)

Bank of Taiwan-ը համարվում է կղզի պետությունների միակ ներկայացուցիչը՝ ըստ 2012թ.-ի վարկանիշի: 2011թ.-ի ավարտին բանկը ուներ $131 մլրդ ակտիվ, բանկային դեպոզիտները կազմում էին ընդհանուր բալանսի 11.5%-ը, իսկ պարտավորությունները՝ 10.1%-ը: Tier 1 capital ratio-ի ցուցանիշը գնահատվում է 10.5%:

3. BancoEstado (Չիլի)

Չիլիի բանկերը 50 Global Finance-ի ցանկում ընդհանուր առմամբ երկու դիրք են զբաղեցնում: Բացի BancoEstado-ից գործում է նաև Banco de Chile-ն: Իհարկե, BancoEstado-ն լատինամերիկյան պետության միակ բանկն է, որը պատկանում է պետությանը: Նրա ակտիվները գնահատվում են $40 մլրդ, իսկ երկրի վարկային շուկայում ունի 14% բաժնեմաս:

4. Samba Financial Group (Սաուդյան Արաբիա)

Global Finance-ի ցանկում Samba-ն համարվում է Սաուդյան Արաբիայի միակ ներկայացուցիչը: Նրա բաժնետոմսերը շրջանառվում են Սաուդյան Արաբիայի ֆոնդային բորսայում, իսկ կապիտալացվածությամբ ամենամեծն է իր երկրում: Samban գործառնություններ է իրականացնում նաև Արաբական Միացյալ Էմիրություններում, Պակիստանում և Քաթարում: Անցյալ տարվա վերջին Samba-ի ակտիվները կազմել են $51.3 մլրդ, իսկ մաքուր շահույթը՝ $1.1 մլրդ:

5. Qatar National Bank (Քաթար)

Մերձավոր Արևելքի մյուս հուսալի բանկը Qatar National Bank-ն է, որը միջազգային վարկանշային ցանկում իր երկրի միակ ներկայացուցիչն է: Բանկի ակտիվները կազմում են $85.4 մլրդ, որի շնորհիվ Qatar National Bank-ը համարվում է Մերձավոր Արևելքի և Հյուսիսային Աֆրիկայի ամենահզոր բանկը:

6. National Bank of Kuwait (Քուվեյթ)

National Bank of Kuwait-ը միայն իր երկրի ներսում ունի 70 մասնաճյուղ, իսկ երկրից դուրս՝ 14 մասնաճյուղ: 2011թ.-ի արդյունքներով բանկի մաքուր շահույթը կազմել է $1.09 մլրդ, իսկ ակտիվները՝ մոտ $49 մլրդ:

7. Pohjola Bank (Ֆինլանդիա)

Եվրոպական ֆինանսկան ընկերությունների մեջ ամենահուսալին համարվում է ֆինլանդական Pohjola Bank-ը: Բանկն իր երկրում ունի 580 մասնաճյուղ և 200 անկախ գործակալներ, որոնց տրամադրվում են տարբեր տեսակի ծառայություններ: Pohjola Bank-ի հաճախորդներից 3.7 մլն-ը ֆիզիկական անձինք են, իսկ ընկերությունների թիվը հասնում է 420,000-ի:

8. National Bank of Abu Dhabi (Արաբական Միացյալ Էմիրություններ)

Ըստ Global Finance-ի՝ Էմիրություններում մեծությամբ երկրորդ բանկը՝ National Bank of Abu Dhabi-ն, համարվում է ամենահուսալին: 2012թ.-ի հունիսի տվյալներով՝ բանկի ընդհանուր կապիտալը գնահատվել է $73.5 մլրդ, իսկ Tier 1 capital ratio-ն կազմել է 16.3%: Երկրի կառավարությունը տնօրինում է բանկի կապիտալի 70%-ը:

9. Bank of New York Mellon (ԱՄՆ)

Վերոնշյալ ցանկում Bank of New York Mellon-ը գրավում է 29-րդ տեղը: BNY Mellon բանկը ԱՄՆ-ում ակտիվների մեծությամբ 7-րդ տեղն է զբաղեցնում: Այս տարվա առաջին կիսամյակի տվյալներով՝ բանկի ակտիվները գնահատվել են $229.7 մլրդ:

10. China Development Bank (Չինաստան)

Այս բանկը կես տարվա ընթացքում կարողացել է Global Finance-ի ցանկում 10 տողով առաջ գալ՝ զբաղեցնելով 28-րդ տեղը: Ավելի ներքև՝ 30-րդ տեղում է Agricultural Development Bank of China-ն: China Development Bank-ն ամբողջովին գտնվում է պետության վերահսկողության տակ: Բանկի կողմից թողարկված բոլոր բաժնետոմսերն ու պարտատոմսերը երաշխավորվում են պետության կողմից: Բանկի ակտիվները գնահատվում են $986 մլրդ, իսկ կրեդիտները՝ մոտ $875 մլրդ:

11. Nordea Bank (Շվեդիա)

Վերոնշյալ ցանկում Nordea Bank-ը զբաղեցնում է 24-րդ տեղը: Այն ամենամեծ բանկային խումբն է Սկանդինավիայում և առաջնայինը Արևելյան Եվրոպայում: Ամբողջ աշխարհում Nordea Bank-ն ունի ավելի քան 11 մլն հաճախորդ, 1,400 մասնաճյուղ, իսկ կապիտալի 13.5%-ը պատկանում է Շվեդիային: Բանկի ընդհանուր ակտիվները գնահատվում են 694 մլրդ եվրո, իսկ core Tier 1 capital ratio-ն կազմում է 11.6%:

12. HSBC (Մեծ Բրիտանիա)

Վարկանիշային աղյուսակում HSBC բանկը զբաղեցնում է 23-րդ տեղը՝ համարվելով Միացյալ Թագավորության ամենամեծ բանկային համակարգը: HSBC-ն ունի մոտ 6,900 մասնաճյուղ՝ սփռված ամբողջ աշխարհով, և մոտավորապես 60 մլն հաճախորդ: Բանկի բաժնետոմսերը շրջանառվում են նյույորքյան և Լոնդոնյան ֆոնդային բորսաներում, իսկ core Tier 1 capital ratio ցուցանիշը կազմում է 11.3%:

13. Kiwibank (Նոր Զելանդիա)

Երկրագնդի մյուս ծայրում է Նոր Զելանդական Kiwibank-ը: Այն հիմնվել է 2002թ.-ին և մինչև օրս կարողացել է զբաղեցնել երկրի շուկայի 3.7%-ը, իսկ բանկի հաճախորդների թիվը կազմում է մոտ 800,000:

14. National Australia Bank (Ավստրալիա)

Ավստրալական National Australia Bank Limited-ը զբաղեցնում է վարկանիշային աղյուսակի 18-րդ տեղը և համարվում է Ավստրալիայի ամենախոշոր բանկերից մեկը, որոնք ներկայացվել են Global Finance-ի ցանկում: Երկրի ներսում բանկի ակտիվները կազմում են $510 մլրդ: Իր բիզնես գործունեությունը բանկն իրականացնում է նաև Նոր Զելանդիայում, Մեծ Բրիտանիայում և ԱՄՆ-ում: Բանկի Tier 1 capital ratio-ն կազմում է 10.2%:

15. DBS Bank (Սինգապուր)

Այս բանկը կարողացել է դառնալ ասիական երկրների բանկերի մեջ ամենահուսալին: Նշենք նաև, որ արդեն երրորդ տարին է, ինչ DBS Bank-ը գլխավորում է ասիական բանկերի ցանկը: Բանկն աշխատում է տարածաշրջանի 15 շուկաներում և ունի 50 մասնաճյուղ աշխարհի 50 քաղաքներում: DBS Bank-ի ակտիվները կազմում են մոտ $269.6 մլրդ.:

16. Banque et Caisse d’Epargne de l’Etat (Լյուքսեմբուրգ)

Լյուքսեմբուրգյան բանկը զբաղեցնում է վարկանիշային աղյուսակի 9-րդ հորիզոնականը: Բանկը լիովին գտնվում է Լյուքսեմբուրգի կառավարության վերահսկողության ներքո և մատուցում է ամենատարբեր բանկային ծառայություններ: Բանկի ակտիվները կազմում են 39.7 մլրդ եվրո, իսկ Tier 1 capital ratio-ն կազմում է 14.4%:

17. Zürcher Kantonalbank (Շվեյցարիա)

Շվեյցարական բանկը ամենահուսալի ֆինանսական կազմակերպությունների ցանկում գրավում է երրորդ տեղը և շվեյցարական միակ բանկն է, որը ներկայացվել է Global Finance-ի ցանկում:

18. Caisse des Dépôts et Consignations (Ֆրանսիա)

Caisse des Dépôts et Consignations բանկը զբաղեցնում է վարկանշային աղյուսակի 6-րդ հորիզոնականը: Չնայած այս բանկը չի համարվում Ֆրանսիայի ամենահզոր բանկերից մեկը՝ ֆրանսիական մնացած բանկերն ավելի վատ գնահատական են ստացել: Նրա ակտիվները գնահատվում են 262.2 մլրդ եվրո:

19. KfW (Գերմանիա)

Գերմանական KfW բանկը համարվել է աշխարհի ամենահուսալի բանկը՝ առաջ անցնելով բոլոր գերմանական բանկերից: Բանկի կապիտալում մասնակցություն են ունեցել դաշնային կառավարությունը և Գերմանիայի տարածքի դաշնային կառավարությունները: Բանկի բոլոր պարտատոմսերը երաշխավորվում են Գերմանական կառավարության կողմից: KfW բանկի ակտիվները գնահատվում են 516.5 մլրդ եվրո, իսկ core Tier 1 capital ratio-ն կազմում է 17.3%: Moody’s, S&P և Fitch գործակալությունները գերմանական KfW բանկի վարկանիշը գնահատել են «AAA» մակարդակով: