Նպատակ ենք դրել առաջիկա 5 տարիների ընթացքում տարեկան 7-9 տոկոս տնտեսական աճ ապահովել. Քերոբյան
Տնտեսություն
Պետությունը նախատեսում է փոխել տնտեսության կառուցվածքը, սպառման վրա հիմնված տնտեսական աճից անցում կատարել ներդրումների վրա հիմնված տնտեսական աճի:
Այս մասին ասաց ՀՀ էկոնոմիկայի նախարար Վահան Քերոբյանը՝ ԱԺ-ում տնտեսական ու ֆինանսավարկային եւ բյուջետային հարցերի մշտական հանձնաժողովների համատեղ նիստում կայացած բյուջետային քննարկումների ժամանակ:
2022-ի բյուջեի նախագծով Էկոնոմիկայի նախարարության ոչ գյուղատնտեսական բլոկի համար հատկացվել է մոտ 17 մլրդ դրամ գումար:
Նախարարը հիշեցրեց. «Կառավարությունն իր առջև նպատակ է դրել առաջիկա 5 տարիների ընթացքում տարեկան 7-9 տոկոս տնտեսական աճ ապահովել: Դրա համար ամենակարևոր անելիքներից մեկը, որ մենք նախատեսում ենք, տնտեսության կառուցվածքը փոխելն է և սպառման վրա հիմնված տնտեսական աճից անցում կատարելը ներդրումների վրա հիմնված տնտեսական աճի»:
Քերոբյանը նշեց, որ շատ կարևորում են ներդրումների սպասարկումն ու ուղեկցումը՝ մինչև այն պահը, երբ ներդրողները սկսեն աշխատել: Նախատեսվում է նաև որոշակի խթանող գործիքների ներդրում:
Ամենադիտված 
Մնաս բարյավ. Րաֆֆի Հովհաննիսյան
