Օբամայի և Ռոմնիի վարկանիշները

Ամերիկական սոցիոլոգիական հետազոտությունները խոսում են ԱՄՆ նախագահական ընտրություններում Բարաք Օբամայի առավելության մասին Միթ Ռոմնիի նկատմամբ։ Իսկ ահա Betfair սպորտային խաղադրույքների բիրժան ավելի հստակ ու պարզ է ներկայացրել իրավիճակը. ըստ աղբյուրի՝ Օբամայի հնարավորությունները հասնում են 77 տոկոսի, միևնույն ժամանակ Ռոմնիի հնարավորությունները նվազել և հասել են ընդհամենը 23 տոկոսի։

Ակնհայտ է, որ Ռոմնին դեռ պետք է իր խոսքը հասցնի ընտրողներին ԱՄՆ-ում, ինչպես նաև դիտորդներին ողջ աշխարհից, որպեսզի կարողանա փոխել ստեղծված իրավիճակը։ Այդ նույն ժամանակ Օբամայի հաղթանակի գործակիցը գնալով բարելավում է իր արդյունքները ընտրական քարոզարշավի մեկնարկից անմիջապես հետո։ Ռոմնիի հնարավորությունների հետընթացը սկսվեց գրանցվել Մեծ Բրիտանիա կատարած այցից և Հանրապետականների համագումարում թույլ ելույթից հետո, և շարունակվեց թաքնված տեսախցիկով նկարահանված ելույթով, որտեղ Ռոմնին բացահայտ կերպով քննադատում է «հասարակ» ընտրողներին։

Այս շաբաթ առանց այն էլ ծանր վիճակում գտնվող Ռոմնիի վիճակը վատթարացել է։ Այն բանից հետո, երբ Ռոմնին անլուրջ կերպով չի կարևորել 47 տոկոս ամերիկյան ընտրազանգվածը, նրա գործակիցը 3,4-ից փոխվել և աճել է մինչև 4,1-ի՝ սեպտեմբերի 16-ից 18-ն ընկած ժամանակահատվածում։ Իսկ ահա Օբամայի գործակիցը նվազել և հասել է 1,32-ի և այժմ էլ Betfair ընկերությունը կանխատեսում է Օբամայի հաղթանակը 77 տոկոս հավանականությամբ։

Ընկերության կանխատեսումները իրենց մեջ ներառում են առաջին հերթին միջազգային հանրության տեսլականը այս հարցի վերաբերյալ, քանի որ ընկերությունը չի ընդունում խաղադրույքներ ԱՄՆ քաղաքացիներից։