Գերմանիան կոչ է արել Ռուսաստանին աջակցել Սիրիայի դեմ կիրառվող սանկցիաներին

Գերմանիան Ռուսաստանին կոչ է արել փոխել իր դիրքորոշումը ՄԱԿ-ի ԱԽ–ում Սիրիայի դեմ պատժամիջոցներ կիրրառելու բանաձևի վերաբերյալ։

Երկուշաբթի` դեկտեմբերի 12-ին, Մարդու իրավունքների ՄԱԿ-ի գերագույն հանձնակատարը ՄԱԿ–ի անվտանգության խորհրդի փակ նիստում հայտարարել է, որ Բաշար ալ–Ասադի դեմ Հաագայի միջազգային քրեական դատարանը պետք է մեղադրանք ներկայացնի մարդկության դեմ բռնություններ և մասայական սպանություններ իրականացնելու համար։

ՄԱԿ–ի ԱԽ–ում Ֆրանսիայի մշտական ներկայացուցիչ Ժերար Արոն հայտարարել է, որ  Անվտանգության խորհուրդը բարոյական պատասխանատվություն է կրում՝ լռություն պահպանելով Սիրիայում ամեն օր սպանվող յուրաքանչյուր քաղաքացու համար։ 

Չորեքշաբթի՝ հոկտեմբերի 14–ին ՄԱԿ–ի ԱԽ–ն արտակարգ նիստ է անցկացնելու Սիրիայում տիրող իրավիճակի հետ կապված։

Հիշեցնենք, որ հոկտեմբերին արեւմտյան երկրները ՄԱԿ-ի Անվտանգության խորհուրդում ցանկանում էին բանաձեւ ընդունել՝ Սիրիայի դեմ պատժամիջոցներ կիրառելու համար։ Սակայն այդ բանաձևի վրա վետո էին կիրառել ՄԱԿ–ի ԱԽ մշտական անդամներ Ռուսաստանն ու Չինաստանը։

«Ես կարծում եմ, որ ՄԱԿ–ի Անվտանգության խորհրդի այն անդամ երկրները, որոնք դեռ կասկածում են, պետք է փոխեն իրենց դիրքորոշումը Սիրիայի հարցում», – ասել է Գերմանիայի արտգործնախարար Գուիդո Վեստերվելլեն Նավի Պլիայի հետ հանդիպումից հետո։

Իր հերթին, ՄԱԿ-ում Ռուսաստանի ներկայացուցիչ Վիտալի Չուռկինն ասել է, որ արեւմտյան երկրները ամեն գնով ցանկանում են Ասադի ռեժիմի տապալումը, և խանգարում են Սիրիայի իշխանությունների և ընդդիմության միջև երկխոսության կայացմանը։ Հաղորդում է France-Presse լրատվական գործակալությունը։