Agence France Presse. Ֆրանսիան կոչ է անում աջակցել ռազմական միջամտությանը Մալիում

Ֆրանսիայի նախագահ Ֆրանսուա Օլանդը կոչ է արել համաշխարհային համայնքին օգնել մեղմելու ճգնաժամը Մալիում՝ աջակցությւոն ցուցաբերելով ՄԱԿ-ին արևմտաաֆրիկյան այս երկիր ռազմական ներխուժման հարցի լուծման ժամանակ. տեղեկացնում է Agence France Presse-ը:

Դրան շատ նուրբ է արձագանքել ՄԱԿ-ի գլխավոր քարտուղար Բան Կի-Մունը. նշում է Al-Jazeera-ն:

Օլանդը ՄԱԿ-ի Գլխավոր ասամբլեայում իր առաջին ելույթում նշեց, որ Մալին օգնության կարիք ունի իսլամիստներից կրկին իր տարածքը ետ վերցնելու համար, ովքեր գրավել էին երկրի հյուսիսն ու արևելքն այն բանից հետո, ինչ մարտ ամսվա ռազմական հեղաշրջումն առաջացրել էր իշխանության վակուում վերջին նախագահի տապալումով:

«Մենք պետք է գործենք, միասին գործենք և արագ կերպով գործենք, որովհետև դրա անհրաժեշտությունը հրատապ է»,-ասել է Օլանդը՝ կոչ անելով աշխարհի առաջնորդներին աջակցել ՄԱԿ-ի Անվտանգության խորհրդի բանաձևին՝ «օգնելու Մալիին վերականգնելու իր տարածքային ամբողջականությունը»։

Human Rights Watch-ի տեղեկության համաձայն՝ Մալիի իսլամիստ ապստամբները կատարում են ավելի ծանր խախտումներ իսլամական օրենքին  խիստ հետևելիս:

Օլանդը վերահաստատել է՝ Փարիզը պատրաստ է աջակցել աֆրիկյան պետությունների կողմից ձեռնարկված որևէ նախաձեռնություն ընդդեմ ճգնաժամի: