Թուրքիայում երկհարկանի շենք է փլուզվել (տեսանյութ)

Թուրքիայի Մալաթիա քաղաքի մերձակայքում երկհարկանի շենք է փլուզվել: Փրկարարները փլատակների տակից դուրս են բերել 14 մարդու, նրանցից երկուսը ծանր վնասվածքներ են ստացել։ Զոհեր չկան, հայտնում է թուրքական Haberler.com-ը։

Մալաթիայի քաղաքապետ Սելահաթին Գյուրքանը հույս է հայտնել, որ փլատակների տակ ուրիշ ոչ ոք չի մնացել։ Այնուամենայնիվ, շտապօգնության ծառայությունները շարունակում են տուժածների որոնումները։

Նախնական տվյալներով՝ փլուզման պատճառը կարող էր լինել շենքի առաջին հարկում վերանորոգման աշխատանքները։ Հաղորդվում է, որ աշխատանքներն իրականացվել են անփորձ արհեստավորների կողմից։