Արաբական երկրների լիգան կոչ է անում սրբապղծությունը ճանաչել որպես քրեական հանցագործություն

Արաբական երկրների լիգայի գլխավոր քարտուղար Նաբիլ Ալ-Արաբին, ելույթ ունենալով ՄԱԿ-ի անվտանգության խորհրդի մամլո ասուլիսին, որը նվիրված էր Մերձավոր Ալրևելքում տիրող իրավիճակին, հայտարարել է, որ միջազգային հանրությունը պետք է ճանաչի և ընդունի սրբապղծությունը որպես քրեական հանցագործություն։ Նա նշել է, որ հավատացյալների կրոնական զգացմունքները անարգելը կարող է դառնալ լուրջ վտանգ ամբողջ աշխարհի խաղաղության համար։ «Այժմ մենք չենք ընդունում, որ նման գործողությունները չեն կարող արդարացվել ցանակացած տիպի փաստարկներով, դա կլինի ընդհամենը խաղ կրակի հետ։ Մենք զգուշացնում ենք, որ կրոնական զգացմունքների անարգանքը, ինչպես նաև անարգանքը կրոնական սիմվոլների նկատմամբ, լուրջ վտանգ է իրենից ներկայացնում ամբողջ աշխարհի համար»,-հայտարարել է Ալ-Արաբին։

Ինչպես հաղորդում է Associated Press գործակալությունը, ԱԵԼ-ի նախագահի ելույթն առաջին հերթին վերաբերում էր «Մուսուլմանների անմեղությունը» հակաիսլամական ֆիլմին։ Նա ընդգծեց, որ դատապարտում է բռնությունը, որը հաջորդել է այդ ֆիլմի համացանցում հայտնվելուն, և ավելացրել է, որ եթե այդպիսի օրինագիծ ընդունված լիներ, ապա նման միջադեպեր ողջ աշխարհում չէին լինի։

Արաբական երկրների լիգայի անդամ երկրներն իրենց դժգոհությունն են արտահայտել աշխարհում տիրող իրավիճակի կապակցությամբ, որը պայմանավորված էր համացանցում «Մուսուլմանների անմեղությունը» ֆիլմի հայտնվելով։ Երկրների ներկայացուցիչները համարում են, որ ամբողջական ազատ խոսքը և ինքնաարտահայտումը հանդիսանում են մարդու իրավունքը դեմոկրատական հանրության համակարգում։