ՌԴ վարչապետ Միխայիլ Միշուստինը այսօր կժամանի Երևան

Ռուսաստանի վարչապետ Միխայիլ Միշուստինը այսօր երկօրյա աշխատանքային այցով կժամանի Հայաստան։ Ինչպես հայտնում են կառավարության մամուլի ծառայությունից, ՌԴ Նախարարների կաբինետի ղեկավարը Երևանում կմասնակցի Եվրասիական տնտեսական միության (ԵԱՏՄ) միջկառավարական խորհրդի նիստին, գրում է ՏԱՍՍ֊ը։

«2021 թվականի նոյեմբերի 18-19-ը Երևանում ՌԴ վարչապետ Միխայիլ Միշուստինը կմասնակցի Եվրասիական միջկառավարական խորհրդի հերթական նիստին։ Առաջիկա հանդիպումը կլինի 29-րդը ԵԱՏՄ-ի 2015 թվականի հունվարի 1-ից ի վեր, և չորրորդը՝ այս տարի։ Հանդիպման օրակարգում ընդգրկված են ԵԱՏՄ շրջանակներում ինտեգրման խորացման հրատապ խնդիրներ։ Հատուկ ուշադրություն է դարձվելու ներքին շուկայի գործունեությանը, ագրոարդյունաբերական համալիրի զարգացմանը, մետալուրգիական ձեռնարկությունների հումքի մատակարարմանը, ինչպես նաև Միության անդամ երկրներին դեղամիջոցներով և դեղագործական նյութերով ապահովելուն։ Կդիտարկվի ԵԱՏՄ անդամ երկրների խնդիրները կլիմայական գլոբալ օրակարգի համատեքստում»,- պարզաբանել են ՌԴ Նախարարների կաբինետի մամուլի ծառայությունում։