Ադրբեջանում մի խումբ զինծառայողներ հեռացվել են բանակից` հայ-ադրբեջանական սահմանին ռազմական գործողությունների հետ կապված կադրեր տարածելու համար
ԱդրբեջանԱդրբեջանում մի խումբ զինծառայողներ հեռացվել են բանակից` հայ-ադրբեջանական սահմանին տեղի ունեցած ռազմական գործողություններից ֆոտո և տեսանյութեր տարածելու համար։
«Արձանագրվել է, որ վերջին օրերին սոցցանցերի որոշ օգտատերեր տարածել են պետական սահմանին ռազմական գործողությունների հետ կապված ոչ պաշտոնական լուսանկարներ և տեսանյութեր, ինչը լուրջ անհանգստություն է առաջացրել ՊՆ ղեկավարության մոտ: Ադրբեջանական բանակի հրամանատարության կողմից ձեռնարկված միջոցառումների արդյունքում հայտնաբերվել են մի խումբ զինծառայողներ, ովքեր նման նյութեր տարածելով կոպտորեն խախտել են գաղտնիության ռեժիմը։
Այդ զինծառայողներին բանակի շարքերից հեռացնելու որոշում է կայացվել, իսկ հավաքագրված նյութերն ուղարկվել են իրավապահ մարմիններին՝ նրանց կատարած գործողություններին իրավական գնահատական տալու համար»,- ասված է Ադրբեջանի ՊՆ տարածած հաղորդագրությունում։
Հիշեցնենք, որ ավելի վաղ սոցցանցերում տարածվել էին կադրեր, որոնցում երևում են ՀՀ սահմանների մոտ կուտակված ադրբեջանական զինտեխնիկան:
ՈՒՂԻՂ ԵԹԵՐ
Ամենադիտված 
Ադրբեջանցին «Կեցցե Ադրբեջանը» երգը միացրած մեքենայով շրջում է Հայաստանում
