Կառավարության առջև ցուցարարները կրկին բողոքում են (տեսանյութ)

Կռավարության շենքի դիմաց այս հինգշաբթի կրկին ցուցարարները շատ էին: Բանակում խաղաղ պայմաններում զոհված զինծառայողների մայրերը, Արամի փողոցի բնակիչները:

Lurer.com-ի հետ զրույցում ցուցարաներից Անահիտ Պողոսյանն ասաց, որ ինքը կառավարության շենքի առջև եկել էր առողջապահության նախարարին տեսնելու համար: «Մայրս ծանր վիճակում է և նրան անհրաժեշտ է վիրահատություն: Պռոշյանի 3-րդ հիվանդանոցում պահանջել էին 400 հազար վճարել, որ վիրահատեն մորս, բայց մենք ի վիճակի չենք, քանի որ ես թոշակառու եմ և ստանում եմ 28 հազար դրամ, իսկ մայրս 20 հազար դրամ թոշակ է ստանում: Ես ի վիճակի չեմ այդ գումարը վճարել, որպեսզի մայրս վիրահատվի. ստիպված պետք է թույլ տամ, որ մայրս գնա այն աշխա՞րհ, չեմ կարող դա անել: Դիմում եմ առողջապահության նախարարին, որպեսզի կարողանա ֆինանսապես ինձ օգնի, որպեսզի նա կրողանա ֆինասապես ինձ օգնել, որ մայրս վիրահատվի: Նախարան ինձ ասաց, որ երեքշաբթի, ժամը 4-ին գնամ իր մոտ և ձեր հարցը կլուծվի»,-նշեց ցուցարարը:

Հարցին, թե որքան ժամանակ է, որ  կառավարության դիմաց գալիս է իր բողոքի ձայնը բարձրացնելու համար, Անահիտ Պողոսյանն ասաց. «Առաջին անգամ չէ, որ կառավարության շենքի առջև եմ գալիս: Ես չորս տարի է պայքարում եմ իմ աղջկա բնակարանի համար, որը գտնվում է Արամի փողոցի վրա: Մենք այդ բնակարանը գնել ենք 2008թ. հունիսին, մինչև հիմա շենքը կառուցված չէ և մինչև հիմա այդ շենքի տնօրենը՝ Պապոյան Գագիկը բանտում նստած է: Ո՜չ բնակարանն են տալիս, ո՜չ էլ բնակարանի գումարը: Դեռ ոչ մի առաջընթաց չկա»: