Թուրքական լիրան ամրապնդվում է ԱՄԷ-ից ներդրումների մասին հայտարարությունից հետո

Չորեքշաբթի՝ նոյեմբերի 24-ին, թուրքական լիրան ամրապնդվել է 7%-ով այն բանից հետո, երբ ԱՄԷ-ն երկրին 10 մլրդ դոլար է հատկացրել ներդրումների համար։ Այս մասին գրում է ՏԱՍՍ-ը։

«Արաբական Միացյալ Էմիրությունները 10 միլիարդ դոլար է հատկացրել Թուրքիայում ներդրումներ կատարելու համար», - ասել է Աբու Դաբիի պետական ​​ներդրումային հիմնադրամի (ADQ) նախագահ Մոհամմադ Հասան ալ-Սուվեյդին։

Թուրքիան և ԱՄԷ-ն պատրաստվում են ստորագրել ներդրումային պլան և բիրժաների միջև համագործակցության համաձայնագիր։

Դրանից հետո թուրքական լիրան դոլարի նկատմամբ ամրապնդվել է՝ 12,7-ից հասնելով 11,66-ի։

Մինչդեռ թուրքական արժույթի անկումը ազդել է Սիրիայի հյուսիսային շրջանների վրա, որոնք վերահսկվում են Անկարայի կողմից աջակցվող ընդդիմության կողմից։ Իդլիբ և Համա նահանգների մի քանի շրջաններում պարենային ապրանքների գներն աճել են 400%-ով, վառելիքի գները՝ 350%-ով, իսկ ոչ պարենային ապրանքներինը՝ 200%-ով։

Տարեսկզբից թուրքական արժույթը արժեզրկվել է 70%-ով, ինչը դարձել է ազգային արժույթի արժեքի ամենամեծ անկումներից մեկը վերջին տարիներին։