«Օմիկրոն» շտամի դեմ նոր պատվաստանյութը պատրաստ կլինի 10 օրից․ Գինցբուրգ

Կորոնավիրուսի «omicron» նոր շտամի դեմ պատվաստանյութի ստացման փորձարարական աշխատանքները կտևեն ոչ ավելի, քան 10 օր, ասել է ՌԴ Գամալեայի կենտրոնի տնօրեն Ալեքսանդր Գինցբուրգը «Ռոսիա 24» հեռուստաալիքի եթերում։

«Նոր պատվաստանյութի պատրաստման փորձարարական աշխատանքները կտևեն ոչ ավելի, քան 10 օր։ Մնացածը կանոնակարգի հարց է, այսինքն՝ լիցենզավորման ընթացակարգեր և ապացույցներ, որ այս պատվաստանյութն անվտանգ է և մոնոգեն»,- ասել է նա։

Նոյեմբերի 29-ին Ռուսաստանի ուղղակի ներդրումների հիմնադրամը (RDIF) հայտարարեց, որ Գամալեայի կենտրոնը սկսել է մշակել ռուսական Sputnik V կորոնավիրուսային պատվաստանյութի հարմարեցումը նոր Omicron շտամին։ «Այն դեպքում, երբ նման փոփոխություն պահանջվի, «Sputnik»-ի նոր տարբերակը «omicron» շտամի դեմ կարող է պատրաստ լինել զանգվածային արտադրության 45 օրվա ընթացքում», - ասվում է հայտարարության մեջ: