Բայրամովը ԵԱՀԿ ԱԳ նախարարների խորհրդի նիստում հայտարարել է, որ «ԼՂ հակամարտությունն ավարտված է»
Արտաքին ՔաղաքականՂարաբաղյան հակամարտության ավարտի շնորհիվ գրեթե 30 տարվա ընթացքում առաջին անգամ հնարավոր դարձավ Ադրբեջանի և Հայաստանի միջև խաղաղության հաստատումը,- այս մասին Ստոկհոլմում ԵԱՀԿ արտգործնախարարների խորհրդի նիստում հայտարարել է Ադրբեջանի արտգործնախարար Ջեյհուն Բայրամովը:
Ըստ նրա` Սոչիում Ադրբեջանի, Ռուսաստանի և Հայաստանի ղեկավարների հանդիպումը հսկայական առաջընթաց է։ Որոշվել են տարածաշրջանում հետկոնֆլիկտային կարգավորման հետագա քայլերը։
«Շուրջ 30 տարի տևած Լեռնային Ղարաբաղի հակամարտությունն ավարտված է»,-նշել է Բայրամովը:
Ադրբեջանի արտգործնախարարի խոսքով` շատ կարևոր է մինչև տարեվերջ սահմանների դելիմիտացիայի և դեմարկացիայի համար ադրբեջանա-հայկական հանձնաժողովի ստեղծումը։