ԱՄՆ կոնգրեսական. Կոչ եմ անում դադարեցնել ռազմական աջակցությունը և զենքերի վաճառքը Ադրբեջանին

ԱՄՆ-ի Կոնգրեսի ներկայացուցիչների պալատի Արտաքին հարաբերությունների հանձնաժողովի նախկին ղեկավար և ներկայացուցիչ Հովարդ Բերմանն այսօր պետքարտուղար Քլինթոնին կոչ է արել դադարեցնել Ադրբեջանի մասնակցությունը ՆԱՏՕ-ի «Գործընկերություն հանուն խաղաղության» ծրագրին, ինչպես նաև՝ դադարեցնել զենքերի վաճառքը Ադրբեջանին։ Հայտնում է Asbarez.com-ը։

Նամակը հետևյալն է.

«Տիկի՛ն Քարտուղար.

Նախագահ Ալիևի կողմից կացնահար Ռամիլ Սաֆարովին ներում շնորհելը և նրա առաջխաղացումը մինչև մայորի կոչման, իհարկե, սարսափելի էր։ Ալիևի արարքը ծաղրանք էր արդարադատության նկատմամբ և արհամարհանք՝ ոչ միայն ՆԱՏՕ-ի և իր անդամների, այլև «Գործընկերություն հանուն խաղաղության» ծրագրի և դրա մասնակից պետությունների նկատմամբ։ Պետքարտուղարությունը խստորեն դատապարտեց Ադրբեջանի ներումը։ Ըստ իս, այնուհանդերձ, այդ ներման նողկալի և հանցագործության զարհուրելի բնույթը և այն պայմանները, որոնցում այն կատարվել է, ավելին են պահանջում։ Դրանք պահանջում են ուժեղ և նշանակալի պատասխան։

Հետևաբար, այն փաստի լույսի ներքո, որ այս սարսափելի և առանց դրդապատճառների մարդասպանությունը տեղի է ունեցել PfP-ի (Places for People) ընթացքում, ես կոչ եմ անում ձեզ ՆԱՏՕ-ի բոլոր անդամների կողմից միասնական բողոք կազմակերպել։ Երկրորդը, ես ՆԱՏՕ-ին կոչ եմ անում դադարեցնել Ադրբեջանի մասնակացությունը PfP բոլոր իրադարձություններին, քանի դեռ Ալիևը չեղյալ չի հայտարարել ներումը և առաջխաղացումը և նորից բանտ չի վերադարձրել մարդասպանին, կամ վերադարձրել նրան Հունգարիա, որպեսզի նա այնտեղ կրի իր ցմահ բանտարկության մնացած մասը։ Ես ձեզ նաև կոչ եմ անում դադարեցնել ռազմական աջակցությունը և զենքերի վաճառքը Ադրբեջանին։ Նախագահ Ալիևի արարքը հայկական կյանքի նկատմամբ իր անսիրտ արհամարհանքով վերացնում է մոտակա ժամանակներում Հայաստանի և Ադրբեջանի միջև վստահություն կառուցելու ամեն հույս։ Այսպիսով, այն ձախողում է անկայուն Կովկասում խաղաղություն հաստատելու ջանքերը։ Դա պետք է հիշեցնի մեզ, որ Լեռնային Ղարաբաղի հարցում խաղաղ կարգավորումը պետք է բավարար անվտանգության երաշխիքներ ապահովի ադրբեջանական ագրեսիայից։
Անհամբերությամբ սպասում են Ձեր պատասխանին։

Անկեղծորեն,

ԱՄՆ կոնգրեսական Հովարդ Լ. Բերման»։