Գիտնականները պարզել են, թե մարդը քանի անգամ կարող է վարակվել կորոնավիրուսով

Առանց կորոնավիրուսի պատվաստանյութի և հակաքովիդային միջոցառումներին չհետևելու դեպքում մարդը կարող է երեք ամիսը մեկ վարակվել COVID-19-ով։ Cursorinfo.co.il-ի փոխանցմամբ` այս մասին գրում է The Guardian-ը։

Հրատարակությունը նշում է, որ 2020 թվականին կորոնավիրուսով կրկնակի վարակումները չափազանց հազվադեպ են եղել։ Սակայն ավելի ուշ գիտնականները պարզել են, որ վարակը փոխանցելուց հետո ձեռք բերված իմունիտետը ժամանակի ընթացքում թուլանում է։

Հետազոտության համաձայն՝ 65 տարեկանից ցածր մարդիկ, ովքեր ունեցել են COVID-19, կես տարվա ընթացքում 80 տոկոսով պաշտպանված են կրկնակի վարակվելուց, իսկ ավելի մեծ պացիենտները` միայն 47 տոկոսով։

Մասնագետները վստահ են, որ կորոնավիրուսով բազմիցս հիվանադանալը կապված է դրա նոր շտամների առաջացման հետ։ Որպես կանոն` դրանք  ավելի դիմացկուն են իմունային պատասխանին և նվազեցնում են պատվաստանյութերի արդյունավետությունը:

Գիտնականները հայտնաբերել են մոտ 300 COVID-19 կրկնակի վարակման դեպք վարակի 20,000 դրական թեստերից: Միևնույն ժամանակ, առաջին և հաջորդ վարակի միջև միջին ժամանակային ընդմիջումը եղել է ընդամենը մոտ վեց ամիս, ընդգծում է The Guardian-ը։