ԱՄՆ-ը դուրս կբերի իր ռազմական ներկայությունը Աֆղանստանից մինչև 2014թ. Պենտագոն

Պենտագոնը հաստատել է, որ ԱՄՆ-ը դուրս կբերի իր ռազմական ներկայությունը Աֆղանստանից մինչև 2014թ.՝ պահպանելով երկրում միայն իր աննշան առկայությունը. հայտնում է Риа Новости-ն:

«2012թ. մայիսին Չիկագոյում կայացած ՆԱՏՕ-ի գագաթաժողովի ժամանակ մենք պայմանավորվել ենք հետևել մինչ 2014թ. մեր ռազմական ներկայության չեզոքացման պլանին: Մենք բավականին մեծ միջազգային աջակցություն ունենք այն իրականացնելու համար: Մենք արդեն սկսել ենք անվտանգության ապահովման հարցում լիազորությունները փոխանցել աֆղանական ուժերին, և մենք գնում էինք նրան, որ Աֆղանստանն ինքը կարողանա ապահովել իր անվտանգությունը: Դա մեր հիմնական նպատակն է, որին կարողացել ենք հասնել»,-հայտարարել է Պենտագոնի նախագահ Լեոն Պանետտան հինգշաբթի կայացած ճեպազրույցի ժամանակ:

Անդրադառնալով 2014-ից հետո Աֆղանստանում ամերիկյան ռազմական ուժերի ներկայության կարգավորման հարցին՝ նա նշել է, որ Վաշինգտոնի և Քաբուլի միջև հետագա համագործակցությունը կորոշվի երկու կողմերի փոխհամաձայնությամբ:

«Ինչպես նախօրոք նշեցինք, ԱՄՆ-ի աննշմար ներկայությունը կպահպանվի Աֆղանստանում 2014-ից հետո: Դրանք առաջին հերթին այն ուժերն են, որոնք զբաղվելու են ԱՄՆ-ի ներկայացուցչական շինությունների ապահովությամբ: Ինչպես նաև երկրում կմնան աֆղանական զինվորական ուժերին ուսուցանող ամերիկյան ռազմական խմբավորումներ»,-հայտարարել է Պենտագոնի ներկայացուցիչը:

2011թ. հայտարարելով մինչև 2014թ. Աֆղանստանից ամերիկյան ռազմական ուժերի դուրսբերման մասին՝ ԱՄՆ-ի վարչակազմը հայտարարել էր, որ կպահպանի իր ներկայությունը երկրում 3-4 հազար զինվորականների տեսքով, ինչպես նաև կմեծացնի խորհրդականների քանակը: Ընդ որում, ռազմական խորհրդականները պիտի փոխարինվեին քաղաքացիական կարգավիճակով:

Սպիտակ տանը դժվարացան մեկնաբանել ՄԱԿ-ի նոր բանաձևի մասին ԶԼՄ-ների տարածած տեղեկությունը:

Ներկայումս Աֆղանստանում կենտրոնացած է ԱՄՆ-ի շուրջ 70 հազար զինծառայող: