Կորոնավիրուսի «օմիկրոն» շտամը ավելի քիչ վտանգավոր է մյուս մուտացիաների համեմատությամբ․ ԱՀԿ

Կորոնավիրուսի նոր շտամը, որը կոչվում է «օմիկրոն», ցույց է տալիս ավելի քիչ վտանգավոր լինելու նշաններ, ասել է Առողջապահության համաշխարհային կազմակերպության (ԱՀԿ) արտակարգ իրավիճակների ծրագրի ղեկավար Մայք Ռայանը։ Նա նաև նշել է, որ COVID-19-ի դեմ պատվաստումն արդյունավետ է մինչ օրս գոյություն ունեցող վիրուսի բոլոր տեսակների դեմ։

«Նախնական ապացույցները չեն վկայում, որ դա նպաստում է ավելի ծանր հիվանդությանը։ Իրականում, ընդհակառակը, կա շարժում դեպի ավելի քիչ վտանգ», - ասել է պարոն Ռայանը AFP-ին տված հարցազրույցում: Նա հավելել է, որ անհրաժեշտ է շարունակել հետազոտությունները, իսկ նոր շտամի տարածման առաջին օրերին «պետք է շատ զգուշավոր լինել շտամի մասին մեկնաբանություն տալու հարցում»։