Գեյթսը հայտնել է՝ երբ կավարտվի կորոնավիրուսային համաճարակը

Չնայած կորոնավիրուսի նոր շտամների ի հայտ գալուն և պատվաստումների ոչ բավարար ցուցանիշներին՝ COVID-19 համաճարակի սուր փուլը կարող է ավարտվել արդեն հաջորդ տարի։ Այս մասին գրել է Microsoft-ի հիմնադիր Բիլ Գեյթսն իր անձնական բլոգում։

Նա խոստովանել է, որ չէր սպասում, որ կհայտնվի «դելտայի» նման վարակիչ տարբերակ, և որ մարդկանց այդքան երկար կարիք կլինի համոզել պատվաստվել և դիմակներ կրել։

«Սակայն, հուսով եմ, որ վերջը հեռու չէ: Այլ կանխատեսում անելը հիմարություն կլինի, բայց կարծում եմ, որ համաճարակի սուր փուլը կավարտվի 2022 թվականին»,- գրել է նա։

«Եվ չնայած «օմիկրոն» շտամը անհանգստացնող է, համաշխարհային հանրությունն այժմ ավելի լավ պատրաստված է վիրուսի դեմ պայքարելու համար, քան նախորդ փուլերում»,֊ասել է Գեյթսը: