Լիբիայի նոր առաջնորդը ՄԱԿ-ից ներողություն է խնդրել Քադաֆիի վարչակարգի համար
Մերձավոր Արևելք
Լիբիայի Ազգային կոնգրեսի նախագահ Մուհամմեդ Մաղարիֆը ՄԱԿ-ի Գլխավոր ասամբլեայից ներողություն է խնդրել Մուամար Քադաֆիի վարչակարգի հանցագործությունների համար. հայտնում է Associated Press-ը:
«Այսօր ես ելույթ եմ ունենում ձեր և ողջ աշխարհի առջև և ցանկանում եմ ներողություն խնդրել անմեղ մարդկանց նկատմամբ բռնապետի կատարած բոլոր հանցագործությունների համար»,-հայտնել է Մաղարիֆը և հավելել, որ լիբիացի ժողովուրդը չի աջակցում ահաբեկչությանը իր ոչ մի դրսևորմամբ:
«Ինձ հարցնում են, թե արժեր արդյոք մասնակցել «Արաբական գարնանը»: Ես պատասխանում եմ. մի՞թե ավելի լավ կլիներ թողնել մարդու իրավունքները ոտնահարող բռնապետի կամայական և կոռումպացված իշխանությունը»,-ասել է Մաղարիֆը:
Նա իր ելույթում նաև անդրադարձել է Լիբիայում ԱՄՆ-ի դեսպան Քրիստոֆեր Ստիվենսի մահվանը՝ անվանելով նրան «մեծ կորուստ Լիբիայի համար»:
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
