«Չորրորդ ինքնիշխանություն». Այսքանից հետո դեռ խոսում է

Թերթի հաղորդմամբ՝ ««Մի՞թե նմանատիպ հյուրանոցային համալիր չպետք է ունենա հանրապետության երկրորդ քաղաքը», զարմացել է Գյումրիի քաղաքապետ Վարդան Ղուկասյանը՝ անդրադառնալով իրեն պատկանող «Ալեքսանդրապոլ» հյուրանոցի շուրջ բարձրացած աղմուկին։

«ՉԻ»– Գյումրիում, իհարկե, անպայման պիտի շքեղ հյուրանոց լինի. այս հարցում Վարդան Ղուկասյանն իրավացի է։ Բայց ամենևին պարտադիր չէ, որ այդ հյուրանոցի սեփականատերը հենց քաղաքապետը լինի։ Սա, համաձայնվեք, մի քիչ կասկածելի է։

Բայց հիմնական զավեշտը հետևյալն է։ Գյումրիի քաղաքապետն, ուրեմն, պետական պաշտոնյա է, ապրում է բացառապես աշխատավարձով, բայց հաջողացնում է մի քանի միլիոն դոլար արժողությամբ հյուրանոց կառուցել և, այդքանից բացի, մի ուրիշ սիրած զբաղմունք էլ ունի. սիրում է խոսել այն մասին, թե ինչպես են նախկին իշխանությունները «ՀՀՇ-ի օրոք» թալանել Գյումրին։ Ավելին՝ այնքան խելք չունի, որ գոնե սուս մնա և իր այդ էկզոտիկ մտքերը չփոխանցի լրատվամիջոցներին։

Հիմա հասկացա՞ք, թե որքան պրոֆեսիոնալ են աշխատել պսիխդիսպանսերները՝ որոշ պաշտոնյաների համապատասխան տեղեկանքներ տալով»։