Լյարդում երեխա ունեցող հղի կինը զարմացրել է բժշկին
Գիտություն և Մշակույթ
Կանադացի բժիշկ Մայքլ Նարվին խոսել է իր հղի պացիենտի մասին, որի պտուղը զարգանում էր ոչ թե արգանդում, այլ լյարդում, հայտնում է LADBible-ը։ Բժիշկը խոստովանել է` մինչ այս դեպքը կարծում էր, որ ամեն ինչ տեսել է իր պրակտիկայում։
Ինչպես ասել է Մայքլը, նրան տեսակցության է եկել 33-ամյա մի կին, ով հղիության երկրորդ ամսում էր։ Պացիենտը ոչ մի բանից չի բողոքել, ուստի Նարվին ծրագրել է ուլտրաձայնային հետազոտություն անել և թույլ տալ գնալ ապագա մորը։
Բայց երբ բժիշկը նայել է մոնիտորին, ապշել է՝ սաղմը ոչ թե արգանդում էր, այլ կնոջ լյարդում։ Մայքլն ասել է, որ իր ողջ կարիերայի ընթացքում նման բան չի տեսել։
«Նա արտաարգանդային հղիություն է ունեցել։ Սա առաջին անգամն է իմ պրակտիկայում », - խոստովանել է Նարվին:
Ավելի ուշ բժիշկը բացատրել է, որ հազվադեպ դեպքերում սաղմը դուրս է ընկնում արգանդափողից և հայտնվում ինչ-որ տեղ որովայնի խոռոչում։ Նույնիսկ ավելի հազվադեպ, այն ֆիքսվում է լյարդում, ինչպես այդ պացիենտի դեպքում: նա նշել է, որ ընդհանուր առմամբ 1999 թվականից ի վեր գրանցվել է նման 14 դեպք։
Նարվին հավելել է, որ կնոջ հետ ամեն ինչ կարգին է՝ նա վիրահատվել է, իսկ սաղմը հեռացվել է լյարդից։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
