Հայտնի է՝ որքան է տևում մահվան ելքով կորոնավիրուսի ընթացքը

Կորոնավիրուսով վարակված հիվանդի մահը վրա է հասնում հիվանդության ախտորոշումից երեք շաբաթ անց։ Այս մասին ասել է Գամալեայի կենտրոնի բժշկական գիտությունների դոկտոր, պրոֆեսոր, ՌԴ գիտության վաստակավոր գործիչ Անատոլի Ալտշտեյնը։ Նրա խոսքով՝ «Օմիկրոն» շտամից պետք չէ սպասել մահացության բարձր ցուցանիշներ կամ կորոնավիրուսի ծանր ընթացք։

«Երբ մարդը սովորաբար հիվանդանում է կորոնավիրուսով, և այն ծանր ընթացք է ունենում, մահը վրա է հասնում մոտ երեք֊չորս շաբաթ հետո»,֊ասել է փորձագետը՝ հավելելով, որ «Օմիկրոն» շտամի մասին նոր տվյալներ կհայտնվեն մինչև Ամանոր։

«Հիվանդությունը չունի հստակ տարբերակիչ հատկանիշներ։ Այն անցնում է մրսածության պես: Առայժմ նկարագրությունից հայտնի է դառնում, որ հիվանդությունը լուրջ ընթացք չի ունենում»,- հավելել է պրոֆեսորը։