Ճանապարհորդներին զգուշացրել են հյուրանոցներում Wi-Fi-ի օգտագործման վտանգի մասին

Ճանապարհորդության ոլորտի փորձագետները զբոսաշրջիկներին զգուշացրել են հյուրանոցներում տրամադրվող հանրային Wi-Fi ցանցերի օգտագործման վտանգի մասին: Այս մասին գրում է The Sun-ը։

Այսպիսով, փորձագետները ճանապարհորդներին խորհուրդ են տվել ինտերնետ հասանելիության բաց կետերից օգտվելիս չմտնել կայքեր, որտեղ անհրաժեշտ է մուտքագրել անձնական կամ բանկային տվյալներ։

«Ամենաանվտանգ բանը, որ կարելի է անել, այն է, որ չմտնեք որևէ կայք, որը պահանջում է մուտքագրել ձեր գաղտնաբառը, քանի որ հաքերները, ովքեր գտնվում են այն նույն ցանցում, ինչ դուք, կարող են գողանալ այն և հեռակա մուտք գործել ձեր հաշիվներ», - զգուշացրել են նրանք: «Պետք է խուսափել ցանկացած կայքից, որում պահվում է կոնֆիդենցիալ տեղեկություն, օրինակ՝ բանկային հավելվածներ»:

Փորձագետները նշել են, որ խարդախները կարող են նաև գողանալ անձնական տեղեկությունները ձեր սոցիալական մեդիայի հաշիվների միջոցով, այնպես որ պետք չէ ուք գործել այնտեղ, երբ միացած եք հանրային Wi-Fi ցանցերին: Տեղեկության արտահոսքը կանխելու համար հանգստացողներին խորհուրդ է տրվել օգտվել VPN ծառայություններից, որոնք կոդավորում են Wi-Fi-ով անցնող բոլոր տվյալները։ «Հենց VPN-ը միանում է, կարող եք այլևս չանհանգստանալ», - հավելել են փորձագետները: