Բելգիական գարեջուրը նորից լավագույնն է աշխարհում

World Beer Award 2012 միջազգային մրցույթում բելգիական գարեջրի տեսակները նորից աշխարհում լավագույնն են ճանաչվել. հայտնում է Le Soir-ը։

«Մուգ» դասակարգում փորձագետների կողմից լավագույնն է ճանաչվել Gouden Carolus Classic գարեջուրը, իսկ «բնական խմորման չզտված գարեջուր» դասակարգում՝ Mort Subite Oude Gueuze-ն։

Միջազգային մրցույթի դափնեկիրներին ընտրում են միջազգային ժյուրիի ներկայացուցիչները աշխարհի 32 երկրներից ներկայացված 600 գարեջրի տեսակներից։

Բելգիացիները հպարտանում են, որ իրենց երկրում արտադրվում է գարեջրի 450 տեսակ, որոնցից շատերը փորձագետների կողմից ամեն տարի լավագույնն են ճանաչվում աշխարհում։