«ՄԵՆՔ»-ը՝ Վարդան Օսկանյանին անձեռնամխելիությունից զրկելու վերաբերյալ

«ՄԵՆՔ» ազգային հայրենասիրական երիտասարդական շարժումը Վարդան Օսկանյանին անձեռնմխելիությունից զրկելու կապակցությամբ հաղորդագրություն է տարածել, որում մասնավորապես նշված է.

««ՄԵՆՔ» ազգային հայրենասիրական երիտասարդական շարժումը իր բողոքի խոսքն է արտահայտում ԱԺ պատգամավոր Վարդան Օսկանյանի անձի և «Սիվիլիթաս» հիմնադրամի շուրջ վերջերս ծավալված իրադարձությունների վերաբերյալ:

Մենք դեմ ենք ԱԺ պատգամավոր Վարդան Օսկանյանին անձեռնամխելիությունից զրկելու իշխանական ուժերի կտրուկ քայլերին, քանի որ նման տեսակ հարցի լուծումը կասկածի տակ է դնում մեր երիատասարդ սերնդի բարեկեցիկ ապագան:

Ի՞նչ անելիք ունենք մենք այնպիսի երկրում, որտեղ անձեռնամխելիությունից են փորձում զրկել այնպիսի մարդու, ով ստացել է բարձր մակարդակի կրթություն արտասահմանում ՝ արևմուտքում, և երկար տարիներ եղել է Հայաստանի Հանրապետության արտաքին գործերի նախարար»։