Որ տարիքից երեխան կարող է սմարթֆոն օգտագործել

Ավելի լավ է երեխային սմարթֆոնի և այլ գաջեթների հետ ծանոթացնել 7-8 տարեկանում։ Կլինիկական հոգեբան, հոգեթերապևտ Ելենա Պոպովան Gazeta.Ru-ին պատմել է բջջային սարքից օգտվելու իդեալական տարիքի մասին։

«Մինչև 7-8 տարեկանում խաղային գործունեությունը երեխայի համար առաջատար է, չարժե նրան տեղափոխել վիրտուալ աշխարհ»,- նշել է մասնագետը։ Նրա խոսքով՝ այս տարիքում երեխային սմարթֆոնի կամ համակարգչի գործառույթները բացահայտելու փոխարեն ավելի լավ է հեռանալ բնակելի տարածքից, որպեսզի նա շարժման մեջ լինի։

Փորձագետը խոստովանել է, որ ժամանակակից երեխաները երկու տարեկանից կարող են ինքնուրույն օգտագործել պլանշետ կամ սմարթֆոն։ Նա պարզաբանել է, որ նեյրոֆիզիոլոգները խորհուրդ են տալիս կարգավորել այս գործընթացը և թույլատրել գաջեթների օգտագործումը օրական 30-40 րոպեից ոչ ավելի։

«Վիրտուալ աշխարհում «չխեղդվելու» համար երեխան պետք է կարողանա իրական աշխարհում իրագործել իր կարիքներն ու ներուժը, ինչը նշանակում է`  իր համար իսկապես հետաքրքիր բան անել», - ավելացրել է Պոպովան։ Նրա խոսքով՝ ծնողները սխալմամբ կարծում են, որ դա պետք է լինի միայն սովորելը և կարդալը։