Ովքե՞ր են սոցցանցերում Փաշինյանի PR-ի առաջամարտիկ պաշտոնյաները

Նիկոլ Փաշինյանի անձի պաշտամունքը լայն թափ  է հավաքում, երիտասարդ պաշտոնյաները, ովքեր միայն Փաշինյանի որոշմամբ հասել են բաղձալի դիրքին, բնականաբար շնորհակալ են վերջինիցս և ամեն կերպ փորձում են դա ի ցույց դնել:

Պետական վերահսկողական ծառայությունում (ՊՎԾ) պետի տեղակալ վերանշանակված Արա Եղոյանի աշխատասենյակում՝ ուղիղ վերջինիս գլխավերևում, բնականաբար, կախված է Նիկոլ Փաշինյանի մեծադիր նկարը: Ինքը լուսանկարվել է այդ ֆոնին, նկարը տեղադրել սոցցանցի իր էջում. իր գործն է:

Սակայն, այդ լուսանկարը, փաստորեն, ՊՎԾ մեկ այլ աշխատակցի՝ Հայկ Նազարյանին, այնքան է ոգևորել, որ վերջինս Արա Եղոյանի լուսանկարը տեղադրել է իր էջում ու մի ձոն նվիրել դրան:

Վերջինիս ֆեյսբուքյան էջի ֆոնային լուսանկարում, ի դեպ, պատկերված են Նիկոլ Փաշինյանն ու Աննա Հակոբյանը:

Ավանի փոխթաղապետ Ներսես Պողոսյանը նույնպես հաճախ է կիսվում քաղաքական ղեկավարի գրառումներով:

Նրանից հետ չի մնում պատգամավոր Արփի Դավոյանը:

Փաշինյանի գրառումներով հաճախ է կիսվում Վեդի համայնքի ղեկավարի ԺՊ Գարիկ Սարգսյանը:

Պատգամավոր Վահագն Ալեքսանյանը նույնպես իր ֆեյսբուքյան էջում հաճախ է տեղադրում Փաշինյանի լուսանկարները կամ կիսվում վերջինիս գրառումներով:

Արարատի նորանշանակ մարզպետ Աեդրակ Թևոնյանը նույնպես բավական ակտիվ է Փաշինյանի գրառումներով կիսվելու հարցում:

Մի քանի ամիս առաջ Նիկոլ Փաշինյանի որոշմամբ` Արման Աջամօղլյանը նշանակվեց Հայաստանի Հանրապետության Շիրակի մարզի Արթիկ համայնքի ղեկավարի պաշտոնակատար: Վերջինս 2018 թվականից եղել է հեղափոխության աջակիցներից, իր ֆեյսբուքյան էջում ցնծացող գրառումներ է արել՝ կապված Նիկոլ Փաշինյանի հաղթանակի հետ:

Ինչպես տեսնում ենք` կամ ՔՊ-ականները իսկապես անչափ նվիրված են իրենց քաղաքական թիմի ղեկավարին և տենչում են կիսվել վերջինիս արտաբերած ամեն մի բառով, կամ անձի պաշտամունքը և Փաշինյանին ամեն գնով փիառելու պահանջը դրված է ոչ միայն ֆեյքերի ֆաբրիկայի, այլ նաև լրիվ իրական օգտատերերի՝ ՔՊ-ական պաշտոնյաների փխրուն ուսերին...