Ճապոնիայում կատարել են ողնաշարի առաջին վիրահատությունը՝ օգտագործելով iPS բջիջներ

Ճապոնական Keio համալսարանի մասնագետներն իրականացրել են աշխարհում առաջին վիրահատությունը՝ օգտագործելով iPS ցողունային բջիջներ:

Ինչպես նշվում է համալսարանի մամուլի հաղորդագրության մեջ, կլինիկական փորձարկումները սկսվել են անցյալ տարվա դեկտեմբերին։ Փորձարկման շրջանակներում մասնագետները iPS բջիջներից աճեցված նյարդային բջիջներ կփոխպատվաստեն չորս հիվանդի:

Առաջին նման վիրահատությունը կատարվել է համալսարանական հիվանդանոցում։ Հիվանդիի տարիքը և սեռը չեն նշվում։ Վիրահատության ընթացքում՝ մարդուն փոխպատվաստել են 2 միլիոն նյարդային բջիջ։ Ներկայումս հիվանդը վերականգնողական փուլ է անցնում Տոկիոյի Մուրայամա բժշկական կենտրոնում։

Ինչպես մամուլի ասուլիսի ժամանակ նշել է պրոֆեսոր Հիդեյուկի Օկանոն, վիրահատության ենթարկվածի վիճակը «չափազանց լավ է»։