ԵԽԽՎ-ն Ռուսաստանը քննադատող բանաձև կընդունի

Ստրասբուրգում մեկնարկում է Եվրոպայի խորհրդի խորհրդարանական վեհաժողովի աշնանային նստաշրջանը, որի ընթացքում կընդունվի խիստ բանաձև Ռուսաստանի նկատմամբ: ԵԽԽՎ-ն մտադիր է սուր քննադատության ենթարկել Մոսկվային «օտարերկրյա լրտեսների» և բանսարկության վերաբերյալ օրենքի, ինչպես նաև Pussy Riot խմբի դատավճռի համար:

Այդ պատճառով ռուսական Դումայի խոսնակ Սերգեյ Նարիշկինը չեղյալ է հայտարարել Ստրասբուրգ նախապես պլանավորած իր այցելությունը՝ հայտարարելով, որ իր ելույթը դժվար թե լսելի լինի «ռուսաֆոբիական կազմակերպությունների և մի շարք զեկավարների կողմից»:

Նրա փոխարեն պատվիրակությունը գլխավորել է Պետական Դումայի Միջազգային հարցերով զբաղվող հանձնաժողովի նախագահ Ալեկսեյ Պուշկովը:

Իր հերթին, ԵԽԽՎ նախագահ Ժան Կլոդ Մինյոնը ափսոսանք է հայտնել Նարիշկինի բացակայության կապակցությամբ՝ նշելով, որ լիարժեք երկխոսության համար անհրաժեշտ է երկու կողմերի ներկայությունը:

Ռուս-վրացական պատերազմից ի վեր Մոսկվան առաջին անգամ է արժանանում ԵԽԽՎ-ի կողմից սուր քննադատության:

Երեքշաբթի օրը վեհաժողովը մտադիր է Ռուսաստանի կողմից է ԵԽ-ի նկատմամբ վերջին յոթ տարիների ընթացքում իր պարտականությունների թերացմանը վերաբերող բանաձև ընդունել: Բանաձևը սուր քննադատության է ենթարկել 2012թ. ռուսական խորհրդարանի կողմից ընդունած մի շարք օրենքներ:

Մասնավորապես խոսքը գնում է «օտարերկրյա գործակալների» և բանսարկության համար նախատեսված քրեական պատասխանատվության, ինչպես նաև համացանցում տեղեկության վերաբերյալ օրենքների և մասին: Բանաձևի հեղինակները կոչ են անում նաև Մոսկվային վերանայել Pussy Riot խմբի նկատմամբ կայացրած դատավճիռը, դադարեցնել խաղաղ ցուցարարների նկատմաբ բռնությունները: Իսկ Պուշկովի խոսքերով Կրեմլին կոչ է արվել չեղյալ համարել Հյուսիսային Օսեթիայի և Աբխազիայի անկախության ճանաչման փաստը:
Նստաշրջանի բացումը նախատեսված է այսօր ժամը 13-30-ին: