Մորգենշտերնի համերգային տնօրենն ասել է, որ ոչինչ չգիտի Երևանում ռեփերի համերգի չեղարկման մասին

Ռեփեր Ալիշեր Մորգենշտերնի համերգային տնօրեն Վլադիմիրը ոչինչ չգիտի Երեւանում մարտին կայանալիք համերգի չեղարկման մասին։ Այդ մասին նա հայտարարել է Gazeta.ru-ի հետ զրույցում։ Համերգային տնօրենի խոսքով՝ ինքը կապի մեջ է շոուի կազմակերպիչների հետ եւ այդպիսի տեղեկություն չունի։

«Ո՞վ է չեղարկել։ Որտե՞ղ են հայտնել։ Հետաքրքիր է, մեկ վայրկյան, հիմա նայում ենք, թե որտեղ է գրված։ Պարզապես ինձ էլ հետաքրքիր է, առաջին անգամ եմ լսում դրա մասին։ Չգիտեմ, առաջին անգամ եմ դրա մասին լսում։ Չգիտեմ, ես նման տեղեկատվություն չունեմ, որ համերգը չեղարկել են։ Մենք կապի մեջ ենք կազմակերպիչների հետ եւ ոչ մի տեղեկատվություն այն մասին, որ այնտեղ ինչ-որ բան կա, նման ոչ մի բան չի եղել»,- ասել է նա։

Ավելի վաղ Tomsarkgh.am–ից տեղեկացրել էին, որ մարտի 11-ին Կարեն Դեմիրճյանի անվան մարզահամերգային համալիրում սպասվող արտասովոր ու էքսցենտրիկ ռեփեր Մորգենշտերնի (իսկական անունը ՝ Ալիշեր Վալեև) մեծ համերգը չեղարկվել է։