Ասանժը այրվել է ուլտրամանուշակագույն լամպի պատճառով

WikiLeaks-ի հիմնադիր Ջուլիան Ասանժը փորձում էր դեմքի առողջ տեսք ստանալ Լոնդոնում Էկվադորի դեսպանատան պատշգամբից իր օգոստոսյան ելույթից առաջ. գրում է Вести.ru-ն։

Ասանժին իր դեմքի գույնը շատ գունատ էր թվացել, և նա ուլտրամանուշակագույն լամպ էր կիրառել՝ ավելի լավ տեսք ունենալու համար, սակայն այրվել էր։

Այսպիսի անսպասելի խոստովանությամբ էր հանդես եկել ավստրալացի ցանցահենը։ Մեկ ժամ «սոլյարիում» անցկացնելուց հետո, Ասանժին ասել են. «Ջուլիան, քո երեսը և վիզը մի կողմից բազուկի են նման»։ «Ես եփած լոբստերի էի նման, սակայն իմ ելույթը պատշգամբից շատ կարևոր էր, և ես դողով էի մտածում՝ ինչ անել»։

Ըստ երևույթին, Ասանժը, ելնելով գեղեցկության և համաչափության իր պատկերացումներից, որոշել է նույն գործընթացն անցկացնել նաև երեսի աջ կողմում։

Ամեն ինչ ավարտվել է նրանով, որ Ասանժի դեմքին ստիպված են եղել կանացի շպարի հաստ շերտով պատել, որպեսզի նա «Չեռնոբիլի զոհի չնմանվի»։

ԱՄՆ-ում Ասանժին համարում են պետության թշնամի։ Աֆղանստանում և Իրաքում ԱՄՆ պատերազմների մասին գաղտնի փաստաթղթերի հրապարակման համար նրան սպառնում է մահապատիժ։