Ստեփանակերտի օդանավակայանը պաշտոնապես հանձնվեց շահագործման

Լեռնային Ղարաբաղի Հանրապետության «Ստեփանակերտ» օդանավակայանը պաշտոնապես հանձնվել է շահագործման։ Այդ մասին տեղեկացանք «Ստեփանակերտ» օդանավակայանի օպերատիվ հերթապահի հետ զրույցի ընթացքում։

«Պաշտոնապես Ստեփանակերտ օդնավակայանը հանձնվել է շահագործման, այդ մասին պաշտոնական հավաստագի է ստացվել սեպտեմբերի 28-ին»։

Այն հարցին, թե առաջին թռիչը երբ և որ ուղղությամբ կլինի, օդանավակայանի աշխատակիցը պատասխանեց, որ դա ընդամենը տեխնիկական խնդիր է, հավանական է, որ այս կամ եկող շաբաթ թռիչք կիրականացվի դեպի Երևան։ «Իսկ Երևանից բացի` այլ ուղղությամբ թռիչքներ կլինեն, թե` ոչ, դա ժամանակի հարց է»,- հավելեց «Ստեփանակերտ» օդանավակայանի աշխատակիցը։

Տոմսերի արժեքը տատանվում է 18.000-20.000 դրամի սահմաններում։