Մասկը բացահայտել է Մարսի վրա մարդկանց վերաբնակեցման արժեքը

YouTube-ում տեղադրված Lex Friedman փոդքաստում SpaceX-ի ղեկավար Իլոն Մասկը պատմել է, որ ներկայիս պայմաններում մարդկանց Մարս ուղարկելը կարող է արժենալ 1 տրիլիոն դոլար:

«Մենք չենք կարող գաղութացնել Մարսը, քանի որ այն առայժմ չափազանց թանկ է: Մարդկանց Մարս ուղարկելն այս պահին կարժենա 1 տրիլիոն դոլար: Մեկ հրթիռը բավարար չէ, մարդկանց բժշկական սարքավորումներ, կապի միջոցներ են պետք»,- պարզաբանել է միլիարդատերը։ 

Մասկը նաեւ հայտնել է, որ ցանկանում է կառուցել գաղութային քաղաքներ՝ օգտագործելով ստորգետնյա հիդրոպոնիկ ֆերմաներ, որոնք աշխատելու են արեւային էներգիայով։

Մասկի խոսքով՝ այս կերպ իր ընկերությունը կկարողանա ապահովել բոլոր պայմանները գյուղատնտեսական մթերքներ աճեցնելու եւ մարդկանց սննդով ապահովելու համար։

Միլիարդատերը նախատեսում է Մարսի վրա մարդկանց վայրէջք կատարել 5-10 տարվա ընթացքում։ Այժմ ընկերությունը ուղիներ է փնտրում՝ նվազեցնելու գաղութատերերի եւ բեռների տեղափոխման ծախսերը այլ մոլորակ: