Հայաստանի հետ սահմանին երկաթուղու կառուցման աշխատանքները նախատեսվում է ավարտել 2023 թվականին. Բայրամով

Հայաստանի հետ սահման երկաթուղու կառուցման աշխատանքները նախատեսվում է ավարտել 2023 թվականին, Trend-ի փոխանցմամբ՝ այս մասին չորեքշաբթի օրը Ադրբեջանում գտնվող Մոլդովայի արտաքին գործերի և եվրոպական ինտեգրման նախարար Նիկու Պոպեսկուի հետ համատեղ մամուլի ասուլիսում ասել է Ադրբեջանի արտգործնախարար Ջեյհուն Բայրամովը։ Նրա խոսքով՝ Ադրբեջանը կատարում է իր պարտավորությունները՝ վերականգնելու տրանսպորտային հաղորդակցությունը։

«Ադրբեջանը Հայաստանի հետ սահմանին 110 կմ երկարությամբ երկաթուղային գծի կառուցումը սկսել է դեռևս 2021 թվականին։ Ներկայումս շինարարական աշխատանքների 24 %-ն ավարտված է և նախատեսվում է ավարտել 2023 թվականին։ Մայրուղու կառուցման աշխատանքներն ավարտվել են 27 %-ով։ Սա վկայում է իր աշխատանքի նկատմամբ Ադրբեջանի պատասխանատու մոտեցման մասին։ Իսկ Հայաստանը, բացի հակասական հայտարարություններից, ոչինչ չի անում»,- ասել է Բայրամովը։