Թե՛ Սաակաշվիլին, թե՛ Իվանիշվիլին տոնում են իրենց հաղթանակը (ֆոտոշարք)

Ե′վ Վրաստանի նախագահ Միխաիլ Սաակաշվիլին, և′ ընդդիմությունը պնդում են իրենց հաղթանակի մասին երկուշաբթի կայացած խորհրդարանական ընտրություններում, որը շատ մեծ նշանակություն ունի այս նախկին խորհրդային հանրապետության ապագա ուղղությունը որոշելիս, գրում է The Associated Press-ը:

Իշխող կուսակցությունը լարված մրցավազքի մեջ էր միլիարդատեր գործարար Բիձինա Իվանիշվիլիի գլխավորած ընդդիմադիր կոալիցիայի դեմ պայքարում, ով ամենալուրջ փորձությունն է արևմտամետ նախագահի համար՝ գրեթե 9 տարի առաջ իշխանության գալուց ի վեր:

Դեռևս ոչ մի արդյունք չի հրապարակվել քվերակության արդյունքների վերաբերյալ: Edison Research-ի և Gfk-ի կողմից իրականացված երկու հարցումերը (exit polls) առավելություն են տալիս ընդդիմությանը, բայց դրանք արվել են 4 ժամ առաջ՝ մինչև ընտրատեղամասերի փակվելը, և արձանագրել են միայն համամասնականի ընտրության տվյալները, որը վերաբերում է 150 անդամ ունեցող խորհրդարանում նշված ընտրակարգով ընտրվող 77 անդամներին:

Մնացած 73 անդամները ուղղակիորեն ընտրվում են մեծամասնական ընտրակարգով, ուր նախագահի «Միացյալ ազգային շարժում»-ը, ենթադրվում է, կունենա մեծ առավելություն:

Սաակաշվիլին, ընտրատեղամասերի փակվելուց հետո խոսելով հեռուստատեսությամբ, ասել է, որ ընդդիմադիր «Վրաստանի երազանք» կոալիցիան հաղթել է համամասնական ընտրակարգով՝ հիմնականում մայրաքաղաք Թիֆլիսում ունեցած իր մեծ աջակցության շնորհիվ, բայց իր կուսակցությունը շատ առաջ է անցել մեծամասնական ընտրություններում և կվերանվաճի իր մեծամասնությունը խորհրդարանում:

«Վրաստանի երազանք»-ը, այնուամենայնիվ, մի հայտարարությամբ է հանդես եկել, որում նշվում է, որ հարցումները (exit polls) ցույց են տալիս, որ այն հաղթելու է համամասնական ընտրակարգով 63 %-ով՝ մեջբերելով Իվանիշվիլիի խոսքերը. «Ես նախապատրաստվում էի ապահովել խորհրդարանական մեծամասնություն»:

ԿԸՀ-ն նշել է, որ առաջին նախնական տվյալները սպասվում են երեքշաբթի առավոտյան ժամը 3-ին:

Զգացմունքները հասնում են գագաթնակետին, բայց երկու կողմերն էլ խոստացել են հարգել արդյունքները, եթե միջազգային դիտորդների կողմից ընտրությունները հավանության արժանան:

ԱՄՆ դեսպան Ռիչարդ Նորլանդը միացել է խաղաղ ընտրություններ անցկացնելու կոչերին:

{gallery}georgia{/gallery}