«168 Ժամ». Վարդան Ղուկասյան. Իշխանությանը խնդրել է քաղաքապետի պաշտոնն ավելի շո՞ւտ ազատել

Գյումրիի գործող քաղաքապետ Վարդան Ղուկասյանի լիազորությունները ավարտվում են նոյեմբերի 12-ին: Դրանից հետո է միայն ԲՀԿ-ական Սամվել Բալասանյանը ստանձնելու քաղաքապետի լիազորությունները: Աակայն վերջինս այլևս չի ցանկանում այդքան սպասել և, «168 ժամ»-ի տեղեկություններով, երկրի բարձրագույն իշխանությանը խնդրել է քաղաքապետի պաշտոնն ավելի շուտ ազատել իր համար:

Թերթի աղբյուրների փոխանցմամբ, Վ. Ղուկասյանին պարտադրել են հոկտեմբերի 9-ին դիմում ներկայացնել և կամովին ազատել քաղաքապետի պաշտոնը: Սա, բացի քաղաքապետի պաշտոնը մեկ ամիս առաջ զբաղեցնելուց, Ս. Բալասանյանին հնարավորություն կտա, որպես Գյումրիի քաղաքապետ ընդունել հոկտեմբերի 12-ին Գյումրի ժամանող ՌԴ նախագահի աշխատակազմի ղեկավար Սերգեյ Իվանովին: Բալասանյանը մտահոգություն ունի, որ Իվանովը կարող է գալ Գյումրի և շփոթության մեջ ընկնել, այդպես էլ չհասկանալով, թե ով է Գյումրիի քաղաքապետը' Վ. Ղուկասյա՞նը, թե՞ Սամվել Բալասանյանը: Ի բարեբախտություն Բալասանյանի, «168 ժամ»-ի տեղեկություններով' Ղուկասյանը համաձայնվել է դիմում գրել: