«168 Ժամ».Լեգիտիմացումը կախված է ՀԱԿ խմբակցությունից
Հայկական Մամուլ
Միակ խմբակցությունը, ով դեռևս պաշտոնապես չի հստակեցրել իր դիրքորոշումը ԲՀԿ-ական Վարդան Օսկանյանին պատգամավորական անձեռնմխելիությունից զրկելու ՀՀ Գլխավոր դատախազի միջնորդության վերաբերյալ, ՀԱԿ-ն է: «168 ժամ»-ը գրում է, որ այս խմբակցության որոշ անդամներ համարում են, որ Օսկանյանը պետք է պատժվի, քանի որ մեղսակից է 2008թ. մարտի 1-ի իրադարձություններին, իսկ մյուսները գտնում են, որ չպետք է օգնել իշխանությանը քաղաքական հետապնդում իրականացնելու հարցում, անկախ քաղաքական հետապնդման ենթարկվողի անձից:
ՀԱԿ համակարգող Լևոն Զուրաբյանը Հայաստանում չէ, և հնարավոր է, որ ՀԱԿ-ում սպասում են նրա վերադարձին, որպեսզի նա փոխանցի «հիմնադիր նախագահի» դիրքորոշումը: Նշենք, որ մնացած ոչ իշխանական խմբակցությունները' ԲՀԿ-ն, «Ժառանգությունը» և ՀՅԴ-ն, հայտարարել են, որ չեն մասնակցելու քվեարկությանը' ըստ էության, հետևելով ԲՀԿ-ականների' «այդ ֆարսը չլեգիտիմացնելու» կոչին: Այսպիսով, ԲՀԿ-ի տեսանկյունից այդ քվեարկության լեգիտիմացումը կախված է ՀԱԿ խմբակցությունից:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
