Ոսկու գինը նվազում է

Երկուշաբթի առավոտյան ոսկու գինը նվազում է՝ վերջին առեւտրային շաբաթվա ընթացքում 3 տոկոս աճից հետո։ Այս մասին վկայում են սակարկությունների տվյալները։ Շուկաները շարունակում են հետեւել աշխարհքաղաքական իրավիճակին։ 

Նյու Յորքի Comex բորսայում ոսկու ապրիլյան ֆյուչերսների գինը նվազել է 5,95 դոլարով կամ 0,31 տոկոսով՝ հասնելով մեկ տրոյական ունցիայի դիմաց 1893,85 դոլարի։ Արծաթի մարտյան ֆյուչերսները նվազել են 0,79 տոկոսով՝ հասնելով ունցիայի դիմաց 23,797 դոլարի։